Hamıt Karzaı el aýmaǵynda uıatsyz fılmderdi kórsetýge tyıym saldy
ASTANA. 25 sáýir. QazAqparat - Hamıt Karzaı el aýmaǵynda ıslamǵa jat, uıatsyz fılmderdi kórsetýge tyıym saldy. Aýǵanstannyń eki tizgin, bir shylbyryn qolyna ustaǵan Hamıt Karzaı osyndaı jarlyq shyǵardy. Bul jaıynda el mınıstrler keńesiniń is-áreketine jaýapty basqarmanyń baspasóz qyzmeti habarlady.
muslim.kz saıtynyń jazýynsha, Memleket basshysynyń mundaı qadamǵa barýyna Ýlemder men dindarlardyń joǵarǵy keńesi túrtki boldy. Dindarlar Hamıt Karzaıǵa jazǵan hattarynda keıbir memlekettik qyzmetkerlerdiń ishimdik iship, esirtki shegetinin jáne birqatar dúken sórelerinde dońyz etiniń satylatynyn baıandaǵan. Olar, sondaı-aq, teledıdardan ulttyq salt-dástúr men ıslam talaptaryna qaıshy keletin fılmder men habarlardyń kórsetiletinin tilge tıek etken.
Osydan birneshe jyl buryn atalmysh keńes ıslamdy qaralaıtyn habarlar men fılmderdi efırge shyǵaratyn jeke telearnalarmen kúres júrgizýdiń qajettiligin alǵa tartqan bolatyn. Qyzyq bolǵanda, moıny men qolyn jalańashtaǵan áıelder túsken úndi fılmderi de qosaq arasynda kete jazdady. Alaıda, sol joly olardyń bul bastamasy orta joldan toqtap qalǵan bolatyn.
