Hamıd Karzaı Aýǵanstan depýtattaryn AQSh-pen kelisýge shaqyrdy
ASTANA. 21 qarasha. QazAqparat - Aýǵanstan Prezıdenti Hamıd Karzaı Joǵarǵy barsha aýǵan assambleıasyna qatysýshylardy 2014 jyldan keıin amerıkalyq áskerdiń elde qalýyna múmkindik beretin kelisimdi Vashıngtonmen qarastyrýǵa shaqyrdy.
VVS-diń jazýynsha, assambleıanyń ashylýy barysynda Karzaı AQSh prezıdenti Barak Obama atalǵan kelisim óńirdegi turaqtylyqty nyǵaıtýǵa baǵyttalǵanyn aıtyp, sendirgenin habarlady. Sonymen qatar, aýǵan kóshbasshysy kelisimdi Úndistan, Qytaı jáne Reseı qoldap otyrǵandyǵyn atap ótti. Atap aıtqanda, kelisimde talas týdyratyn pýnkterdiń biri amerıkalyq áskerılerge jergilikti turǵyndardyń úıine kirýine ruqsat berýge baılanysty bolyp otyr. Sonymen qatar, ázirge atalǵan áskerılerdiń aýǵan nemese AQSh zańyna baǵynýy kelisilmegen. Budan buryn Karzaı 2014 jyldan keıin Aýǵanstanda 15 myńǵa deıin sheteldik jaýynger qalýy múmkin ekenin málim etti.
