Hames Rodrıges «Realǵa» eki kúnde 25,2 mln. eýro tabys ákeldi
ASTANA. QazAqparat - «Real» fýtbol klýby topqa jańa qosylǵan kolýmbııalyq jartylaı qorǵaýshy Hames Rodrıgesti tanystyrýdan keıin nebári 48 saǵat ishinde onyń atyna shyǵarylǵan 345 myń jeıdeni satyp úlgergen, dep jazady Lenta.rý.
Baǵasy 75 eýrony quraıtyn bul jeıdelerdiń saǵatyna orta eseppen 7187 danasy satylýda. Osylaısha «Real» klýby eki táýlik ishinde 25,2 mln. eýro tabysqa qol jetkizip otyr.
Hames Rodrıgespen Real arasynda kelisimshart 6 jylǵa jasaldy. 23 jasar Hameske Madrıd klýby €80 mln. jýyq qarajat tólegen.
Aıta keteıik, Kolýmbııa qurama komandasynyń fýtbolshysy Hames Rodrıges bıylǵy Brazılııada ótken fýtboldan Álem chempıonatynyń úzdik shabýylshysy atanyp, «Altyn býtsy» syılyǵyn jeńip alǵan bolatyn.
