Hamenova isi: Basqarma basshysy 7, seriktestik dırektory 4 jylǵa sottaldy
Oblystyq sottyń baspasóz qyzmetinen málim etkendeı, bıylǵy 26 mamyrda Atyraý qalasynyń №2 sotyna QR Qylmystyq kodeksi 366-babynyń 3-bóliginiń 2-tarmaǵymen Atyraý oblysy ákiminiń orynbasary Baqytgúl Hamenovaǵa, Atyraý oblysy Mádenıet, tilderdi damytý jáne arhıv isi basqarmasynyń basshysy Aqylbek Rysqalıevke, QR Qylmystyq kodesi 367-babynyń 2-bóligimen «Balqytý» JShS dırektory Ómirtaı Adamovqa qatysty qylmystyq is tústi.
Búgin, 15 qarashada Atyraýdaǵy №2 qalalyq sotta atalǵan qylmystyq is qaraldy.
«Sot Aqylbek Rysqalıevtyń jazasyn jeńildetetin mán-jaı retinde jas balalarynyń bolýyn, qylmystyq quqyq buzýshylyqtyń basqa qatysýshylaryn áshkereleýin tanydy. Al, Ómirtaı Adamov úshin jazasyn jeńildetetin mán-jaı retinde zeınetkerlik jasyn, asyraýynda tórt jáne úsh kámeletke tolmaǵan balasy bar eki múgedek balasy bolǵanyn, aýyr qylmystyq quqyq buzýshylyqty otbasylyq jáne basqa da jaǵdaılardyń saldarynan jasaǵanyn eskerdi. Sottalýshy Aqylbek Rysqalıevqa 7 jyl, Ómirtaı Adamovqa 4 jyl merzimge bas bostandyǵynan aıyrý jazasy taǵaıyndaldy», -dep habarlady sottyń baspasóz qyzmeti.
Ekeýi de memlekettik qyzmette laýazymdardy atqarý quqyǵynan ómir boıyna aıyryldy. Sottalýshylar sot zalynan qamaýǵa alyndy.
Sot úkimi zańdy kúshine engen joq.
Eske sala ketelik, budan buryn Baqytgúl Hamenovanyń isine qatysty sot otyrysynda basqarma basshysy oǵan jala japqanyn aıtqan edi.
Búgingi sot otyrysynda Atyraý oblysy ákiminiń burynǵy orynbasary Baqytgúl Hamenova 7 jylǵa sottalǵanyn habarlaǵan bolatynbyz.
