Hameneıdiń qazasynan keıin Irandy ýaqytsha kim basqarady
ASTANA. KAZINFORM — Mohammad Mohberdiń málimdeýinshe, revolıýtsııa jetekshisi qaza bolǵannan keıingi ótpeli kezeńde el basqarý jaýapkershiligin prezıdent, sot bıliginiń basshysy jáne Qamqorshylar keńesiniń fakıhteriniń biri óz moınyna alady. Bul týraly IRNA jazdy.
IRNA aqparat agenttiginiń habarlaýynsha, eldiń joǵarǵy jetekshisi qaza bolǵannan keıin Irandy ýaqytsha prezıdent Masýd Pezeshkıan, sot bıliginiń basshysy jáne Konstıtýtsııa saqshylary keńesiniń bir múshesi basqarady. Bul týraly birinshi vıtse-prezıdent Mohammad Mohberge silteme jasap habarlanady.
Irannyń joǵarǵy jetekshisi, aıatolla Álı Hameneı 28 aqpanda tańerteń AQSh pen Izraıldiń Tegeranǵa birlesken áýe soqqysy nátıjesinde qaza boldy. Onyń ólimi Iran tarapynan resmı túrde rastaldy.
Buǵan deıin IRNA qaza bolǵan Hamenenı keńesshisi — Iran Qorǵanys keńesiniń hatshysy Álı Shamhanı men Islam revolıýtsııasy saqshylary korpýsynyń qolbasshysy Mohammad Pakpýrdyń de ajal qushqanyn resmı túrde rastady.