Hameneıdiń qaza tapqany týraly aqparat tarady
ASTANA. KAZINFORM — Izraıl sheneýnikteri Irannyń joǵarǵy jetekshisi Hameneıdiń óltirilgeni týraly habar taratty. Biraq Tegeran bul aqparatty rastaǵan joq, dep habarlaıdy agenttiktiń Taıaý Shyǵystaǵy menshikti tilshisi.
Senbi kúni tańerteń Izraıldiń áýe shabýyly kezinde Irannyń rýhanı kósemi Aıatolla Álı Hameneıdiń qaza tapqany týraly aqparat tarady. Bul týraly aty jóni atalmaǵan joǵary laýazymdy ızraıldik sheneýnikterge silteme jasaı otyryp birneshe ızraıldik aqparat quraldary men Reuters agenttigi habarlady.
Izraıldiń 12 arnasynyń habarlaýynsha, premer-mınıstr Bınıamın Netanıahý men AQSh prezıdenti Donald Trampqa Hameneıdiń Tegerandaǵy qıraǵan rezıdentsııasynan tabylǵan denesiniń sýreti kórsetilgen. Izraıldiń AQSh-taǵy elshisi Iehıel Leıter AQSh sheneýnikterin Iran basshysynyń kóz jumǵany týraly habardar etti.
גורם ישראלי בכיר: "המנהיג העליון של איראן, עלי ח׳אמנאי - חוסל" pic.twitter.com/tgR89NGZ0K
— החדשות - N12 (@N12News) February 28, 2026
Netanıahý Izraıl halqyna arnaǵan beıne úndeýinde «belgiler Hameneıdiń endi joq ekenin kórsetedi» dep, Iranǵa qarsy operatsııanyń qajet bolǵanynsha jalǵasatynyn aıtty. Ol sondaı-aq Iran Islam revolıýtsııasy Saqshylar korpýsynyń qolbasshylary men birneshe joǵary laýazymdy ırandyq qaıratkerlerdiń óltirilgenin habarlady.
Irannyń joǵarǵy kóseminiń qaıtys bolǵanyn shetelde ornalasqan ırandyq oppozıtsııalyq Iran International resýrsy da habarlady.
Iran's Supreme Leader Ali Khamenei has been killed in Saturday airstrikes, Iran International can confirm.https://t.co/BhLjqUWk7g pic.twitter.com/vUOw862BSl
— Iran International English (@IranIntl_En) February 28, 2026
Alaıda Iran Hameneıdiń ólimin resmı túrde rastaǵan joq. Iran Syrtqy ister mınıstri Abbas Aragchı senbi kúni NBC News telearnasyna bergen suhbatynda joǵary laýazymdy sheneýnikterdiń barlyǵy óz qyzmetterinde ekenin aıtty.
Iran aqparat quraldarynyń habarlaýynsha, Joǵarǵy kóshbasshy keńsesiniń qoǵammen baılanys bóliminiń basshysy taratylyp jatqan aqparatty «psıhologııalyq soǵystyń» bir bóligi dep atady.
Buǵan deıin Iran Syrtqy ister mınıstrliginiń baspasóz hatshysy Ismaıl Bagaıı Sky News arnasyna prezıdent Masýd Pezeshkıan men rýhanı kósem Álı Hameneıdiń tiri jáne qaýipsiz ekenin aıtqan.
Iranian Foreign Ministry spokesman Esmail Baghaei says in an interview with Sky's @MarkAustinTV that the country's leadership is 'safe and sound'.
— Sky News (@SkyNews) February 28, 2026
🔗 https://t.co/ABp9zYr8oo pic.twitter.com/ydeH72t5lS
Al AQSh prezıdenti Donald Tramp NBC News arnasyna bergen suhbatynda Irannyń rýhanı kósemi Aıatolla Álı Hameneıdiń qaıtys bolǵany týraly aqparat shyndyqqa sáıkes keletinin aıtty.
— Biz bul naqty aqparat dep esepteımiz, — dedi Tramp.
Irannyń memlekettik aqparat quraldary Hameneıdiń tiri jáne jaǵdaıy jaqsy ekenin habarlady.
Irannyń jartylaı resmı Tasnim jáne Mehr aqparat agenttikteri rýhanı kósem Hameneıdiń «jaǵdaıdy nyq jáne myzǵymas baqylaýynda» dep habarlaıdy.
Buǵan deıin shabýyl saldarynan Iranda 201 adam qaza tapqany týraly jazdyq.
