HAMAS uzaq úzilisten soń Tel-Avıvke zymyrandar jiberdi
ASTANA. KAZINFORM – Atys Rafahtan júrgizildi, Palestınanyń ıslamshyl HAMAS qozǵalysy tórt aıdan beri Izraıldiń ortalyǵyndaǵy Tel-Avıv aımaǵyna zymyran shabýylyn jasaǵanyn málim etti. Bul týraly BBC habarlaıdy.
Gazanyń ońtústigindegi Rafah qalasynyń aýdanynan kem degende 8 zymyran atyldy, onda qazir Izraıl kúshteri qalǵan HAMAS otrıadtarymen kúresýde, birneshe zymyran atyp túsirildi, dep habarlaıdy Izraıldiń áskerı kúshteri. Zardap shekkender týraly habar joq.
Atys Halyqaralyq qylmystyq sottyń bas prokýrory Karım Ahmad hannyń Izraıl Premer-mınıstri Benıamın Netanıahý men Qorǵanys mınıstri Ioav Gallantty tutqyndaýǵa sanktsııa berý týraly málimdemesinen, sondaı-aq úsh eýropalyq eldiń Palestına terrıtorııasyn egemen memleket retinde taný nıeti týraly málimdemesinen birneshe kún ótken soń jasaldy.
Basqa da qalalar jáne Gertslııa men Petah Tıkva eldi mekenderinde zymyran týraly eskertý dabyly estildi.
Izraıldik BAQ Gertslııadaǵy ǵımarattardyń biriniń baqshasyna qulaǵan zymyran synyqtarynyń kadryn jarııalady.
Áleýmettik jelilerde jarııalanǵan taǵy bir beınejazbada ortalyq Kfar-Saba qalasynyń mańyndaǵy ashyq jerde zymyrannyń qulaýynan paıda bolǵan úlken shuńqyrdy kórýge bolady.
