HAMAS taǵy tórt ızraıldik tutqyndy bosatty

ASTANA. KAZINFORM — Palestınalyq HAMAS uıymy ızraıldik tutqyndardyń ekinshi tobyn bosatty.  Bul týraly 24kz jazdy. 

Sóıtip, evreı eliniń bıligine 4 áıel tapsyryldy. Barlyǵy áskerı qyzmetkerler.

Izraıl tarapy: «Tizimde taǵy bir áıel bolý kerek edi», - deıdi. Biraq aldyn ala málimet boıynsha ony basqa palestınalyq top músheleri ustap otyr eken. Endi ol kisi tutqyndardyń kelesi kezegimen birge, demek, 1 aqpanda jiberilýi tıis. Al ol bostylmaıynsha, Izraıl Gazadaǵy Netsarım dálizinen áskerin alyp ketpeımiz dep otyr.

Ótken aptada Gaza sektoryndaǵy beıbit bitim týraly kelisim kúshine endi. Úsh kezeńnen turatyn qujattyń alǵashqysyna sáıkes óńirde 42 kún oq atylmaý kerek. Evreı eli Gazanyń halyq kóp shoǵyrlanǵan óńirinen óz áskerin áketýi tıis. HAMAS ızraıldik tutqyndardy jiberedi. Al evreı eli túrmedegi palestınalyqtardy bosatýy kerek. Buǵan deıin palestınalyq top 3 áıeldi bosatqan edi.

Aıta ketelik, HAMAS senbi kúni bostandyqqa shyǵatyn kepildegi tórt ızraıldiktiń atyn ataǵan bolatyn.