HAMAS sodyrlary Ierýsalımde bolǵan atysty uıymdastyrǵandaryn málimdedi

HAMAS toby Ierýsalımge kirer joldaǵy avtobýs aıaldamasynda bolǵan atysty óz moıyndaryna aldy. Atys saldarynan úsh adam mert boldy. Olardyń biri jas áıel bolsa, ekeýi egde jastaǵy adam, dep habarlaıdy Kazinform BBC News saıtyna silteme jasap.

Ierýsalımniń batysyndaǵy Ramot eldi mekeninde oq atqan eki er adamdy polıtsııa atyp tastady.

«Bul operatsııa basqynshylardyń Gaza sektoryndaǵy buryn-sońdy bolmaǵan qylmystaryna bergen bizdiń zańdy jaýabymyz»,-delingen HAMAS málimdemesinde.

Aıta keteıik, osyǵan deıin Ierýsalımde belgisiz bireý aıaldamadaǵy adamdarǵa oq jaýdyrǵanyn jazdyq.