HAMAS shuǵyl kelissóz ótkizýge daıyn ekenin málimdedi

ASTANA.KAZINFORM - AQSh prezıdenti Donald Tramptyń «sońǵy eskertýinen» keıin palestınalyq HAMAS Gaza sektorynda soǵysty toqtatý jáne «barlyq tutqyndardy» bosatý úshin dereý kelissóz ústeline otyrýǵa daıyn ekenin málimdedi, dep habarlaıdy DW.

7 qyrkúıek, jeksenbi kúni keshke taraǵan HAMAS málimdemesinde «amerıkalyq taraptan atysty toqtatý kelisimine qol jetkizýge baǵyttalǵan keıbir ıdeıalardyń» buryn deldaldar arqyly alynǵany aıtylǵan.

Tıisti málimdeme uıymnyń Telegram-kanalynda jarııalandy.

- HAMAS shuǵyl kelissóz ústeline otyrýǵa jáne soǵysty toqtatýǵa, Izraıl áskerin Gazadan shyǵarý jáne sol jerde dereý jumys bastaıtyn táýelsiz Palestına úkimetin qurý úshin kepilge alynǵandardyń barlyǵyn bosatýdy talqylaýǵa daıyn, - delingen habarlamada.

Sol kúni Aq úı basshysy Izraıldiń ózi usynǵan kelisim sharttaryn qabyldaǵanyn aıtty.

— Tutqyndaǵylardyń elge oralǵanyn bári qalaıdy. Barlyǵy bul soǵystyń aıaqtalǵanyn qalaıdy! Izraıldikter meniń sharttarymdy qabyldady. HAMAS-tyń da olardy qabyldaıtyn ýaqyty keldi. Men HAMAS-qa olardy qabyldamaýdyń saldary týraly eskerttim. Bul meniń sońǵy eskertýim, basqalaı bolmaıdy! - dep jazdy Tramp Truth Social-da.

Sońǵy kúnderi Izraıl Gaza qalasynda qurlyq operatsııasyn keńeıtip, «Gıdeon arbalary II» operatsııasynda HAMAS bekinisterin basyp aldy. Izraıl qorǵanys kúshteri (TsAHAL) Gaza sektorynyń ońtústigindegi Han ıÝnıs qalasynda «gýmanıtarlyq aımaq» qurylǵanyn jarııalady, bul jerde Gaza qalasynyń barlyq turǵyndaryn dereý qonys aýdarýǵa shaqyrady.