HAMAS shabýylynan Qazaqstan azamaty qaza tapty degen ótirik - SІM

Syrtqy ister mınıstrliginiń resmı ókili Aıbek Smadııarov Izraıldegi qaqtyǵystardan Qazaqstan azamatynyń qaıtys bolǵany týraly málimetti teriske shyǵardy, dep habarlaıdy Kazinform. 

TsAHAL (Izraıl Qorǵanys armııasy – red.) HAMAS uıymynyń 7 qazandaǵy shabýylynan qaza tapqan jáne iz-túzsiz joǵalyp ketken azamattardyń tizimin jarııalaǵan bolatyn.

Olardyń arasynda Qazaqstannyń bir azamaty bar degen derek shyqqan.

Alaıda Qazaqstan Syrtqy ister mınıstrligi bul málimetti joqqa shyǵardy.

«Aqparat shyndyqqa janaspaıdy. Izraıl bıligi kestede qate ketkeni úshin keshirim surady», - dedi mınıstrliktiń resmı ókili Aıbek Smadııarov.