HAMAS senbide bosatylýy tıis kepildegi úsh ızraıldiktiń esimderin atady

ASTANA. KAZINFORM — Onyń ornyna Izraıl 180-nen astam palestınalyq tutqyndardyń kezekti tobyn túrmeden shyǵarýy kerek, dep habarlaıdy VVS.

Izraıldiń kepilge alynǵandarynyń barlyǵy er adamdar ekeni belgili boldy. Bul 53 jastaǵy Elı Sharabı, 56 jastaǵy Ohad Ben-Amı jáne 34 jastaǵy Or Levı. Olardyń esimderin Izraıl premer-mınıstriniń keńsesi jáne «kepilge alynǵan otbasylar forýmy» rastady.

Ázirge kepilge alynǵandar dál qaı ýaqytta bosatylatyny belgisiz.

Or Levı Izraıldiń ońtústigindegi Nova festıvalinde júrgen jerinde urlanǵan. Onyń áıeli men qyzdary úıinde ajal qushqan. Al Or Levı jáne onyń aǵasy Iossı tutqynǵa alynǵan. Keıinnen Iossıdiń qaıtys bolǵany aıtyldy, qazir onyń denesi HAMAS aýmaǵynda.

Elı Sharabı men Ohad Ben-Amı — Beerı kıbbýtsasynan (red. — Izraıldegi aýyl sharýashylyǵy kommýnasy). Dál osy jer sodyrlar shabýyldaýdy kózdegen eldi mekenderdiń birine aınaldy.

Senbi kúngi tutqyn almasý protsesi 19 qańtarda bitimgershilik kelisimi kúshine engennen beri besinshi ret ótkiziledi. 1 aqpanda HAMAS taǵy úsh ızraıldikti bosatty. Óz kezeginde Izraıl onyń ornyna túrmelerden 180-nen astam palestınalyq tutqyndy shyǵardy.

Aıta keteıik, ızraıldikterden bólek HAMAS sodyrlary Taılandtyń bes azamatyn bosatty.