HAMAS senbi kúni bosatatyn kepilge alynǵan 6 adamnyń esimin atady
ASTANA. KAZINFORM – HAMAS tobynyń qarýly qanaty juma kúni ızraıldik kepilge alynǵan Elııa Koen, Omer Shem Tov, Tal Shoham, Omer Venkert, Hısham ál-Saıed jáne Avera Mengıstony senbi kúni bosatatynyn málimdedi, dep habarlaıdy Kazinform menshikti tilshisi.

Hısham ál-Saıed pen Avera Mengısto – Gaza sektoryna 10 jyl buryn kelgen jáne sodan beri sol jerde qamaýda otyrǵan beıbit turǵyndar.
Izraıldiń málimdeýinshe, ol senbi kúni Gaza sektorynan bosatylýy josparlanyp otyrǵan kepilge alynǵan 6 adamnyń tizimin HAMAS uıymynan alǵan.
Izraıl premer-mınıstri keńsesiniń málimdemesinde habarlanǵandaı, tizimge engizilgen kepilge alynǵandardyń otbasylary bul týraly habardar etildi. Keńse jurtshylyqty qaýeset pen tekserilmegen aqparatty taratpaýdy surady.
- Jaýap retinde Izraıl senbi kúni túrmedegi 602 tutqyndy bosatady, - dep habarlady Palestınalyq tutqyndar klýby.
Bostandyqqa shyǵarylatyndar qatarynda 7 qazanda HAMAS shabýylynan keıin tutqyndalǵan Gaza sektorynan 445 adam bar, olardyń 60-y uzaq merzimge, 50-i ómir boıyna bas bostandyǵynan aıyrylǵan jáne 47-si 2011 jylǵy almasýdan keıin qaıta tutqyndalǵan.
Eske sala keteıik, buǵan deıin HAMAS tórt tutqynnyń denesin Qyzyl Krest uıymyna tapsyrǵanyn habarlaǵan edik.