HAMAS palestındikterdiń talaptaryn oryndamasa Izraılge qarsy soǵys ashatynyn málimdedi
ASTANA. QazAqparat - HAMAS uıymy eger Izraıl bıligi palestındikterdiń Kaırde jarııalanǵan barlyq talaptaryn oryndasmasa, uzaqqa sozylatyn soǵys ashatynyn málimdedi, dep habarlaıdy Rosbalt.
«Izraıl Palestına halqynyń talaptaryn oryndaýǵa tıis nemese soǵysqa daıyndalsyn!» - dep jazady uıym ókili Ýsama Hamda óziniń Facebook paraqshasynda.
Budan buryn HAMAS basshylarynyń biri Ismaıl Hanııa eki shart qoıǵan bolatyn: Izraıl Gaza sektoryndaǵy ekonomıkalyq shekteýlerin alýy tıis jáne palestındikterdiń júrip-turýyna jol ashýy tıis.
Aıta keteıik, 11 tamyzda Mysyrda Palestına men Izraıl delegatsııalary bir ústel basyna otyryp, Gaza sektoryndaǵy atysty toqtatý kelissózderin bastaǵan bolatyn. 13 tamyzda HAMAS pen Izraıl kezekti bitimgerlikke qol jetkizdi. Bul kelisim 18 tamyzda, ıaǵnı erteń bitedi.
