HAMAS Qyzyl Krest uıymyna ızraıldik kepilge alynǵandardyń ekinshi tobyn tapsyrdy

ASTANA. KAZINFORM – HAMAS uıymy kepilde ustaǵan barlyq tiri ızraıldik bosatyldy, dep habarlaıdy Kazinform menshikti tilshisi.

Izraıldik BAQ habarlaýynsha, dúısenbi kúni HAMAS kepilge alynǵan 13 ızraıldik azamat bar ekinshi topty Halyqaralyq Qyzyl Krest komıtetine tapsyrdy. Budan birer saǵat buryn kepilge alynǵan jeti ızraıldik azamat qaıtarylǵan edi. 

Adamdardy tapsyrý protsesi Gaza sektorynyń ońtústigindegi Han-ıÝnıs mańynda ótti.

Buǵan deıin Qyzyl Krest kólikteri qazirgi kezde tutqyndardyń kelesi tobyn qabyldaý úshin Gazanyń ortalyq bóligindegi Han-ıÝnıs aımaǵynda ornalasqany habarlanǵan bolatyn.

Osylaısha, dúısenbi kúni qol jetkizilgen kelisim aıasynda Gaza sektorynda HAMAS ustaǵan 20 tiri adam bosatyldy. Dúısenbi kúni buryn bosatylǵan jeti kepilge alynǵan adam Izraılge jetip, otbasylarymen kezdesti.

Saýd Arabııasynyń «Ál-Hadat» arnasy habarlaǵandaı, HAMAS ustaǵan kepilge alynǵandardyń deneleri búgin tústen keıin Qyzyl Krest uıymyna tapsyrylady. Habarlamada qansha adamnyń denesi tapsyrylatyny atalǵan joq. Izraıl kem degende 26 kepilge alynǵan adamnyń qaza tapqanyn rastady. HAMAS olardyń keıbirin tabý qıynǵa soǵýy múmkin ekenin málimdedi.

Eske salsaq, Gaza sektoryndaǵy Izraıl men Palestına kúshteri arasyndaǵy atysty toqtatý týraly kelisim 10 qazan kúni jergilikti ýaqyt boıynsha tús kezinde (Astana ýaqyty boıynsha 14:00) kúshine endi.

Kelisim kúshine engennen keıin 72 saǵat ishinde tiri jáne óli ızraıldik tutqyndar bosatylady.

Izraıl premer-mınıstriniń keńsesi Gazada qalǵan kepilge alynǵandardy qaıtarýdy josparlaǵan operatsııany «Shekaraǵa oralý» dep jarııalady.

Óz kezeginde Izraıl ómir boıyna bas bostandyǵynan aıyrylǵan 250 palestınalyq tutqyndy, sondaı-aq soǵys kezinde túrmede otyrǵan qosymsha 1700 gazalyqty bosatýy kerek.