14:15, 16 Sáýir 2024 | GMT +6
HAMAS kepilge túskenderdi aıyrbastaýdan bas tartty
ASTANA. KAZINFORM – Izraıldiń Gaza sektorynda atysty toqtatý jáne kepilge alynǵandardy aıyrbastaý týraly usynysyn HAMAS qabyldamady.
The Times of Israel basylymynyń habarlaýynsha, kepilge alý týraly usynystyń barlyǵy «jelge ushqan».
HAMAS Qatar, Mysyr jáne Amerıka deldaldarynyń kepilge alynǵan 40 adamdy bosatý usynysyna qarsy. Olar 50 jastan asqan áıelder men erler sanatyna jatatyn 20 adamdy ǵana bosatýǵa daıyn ekenin alǵa tartyp otyr.
Sondaı-aq, HAMAS 20 adamdy bosatpastan buryn Izraılden 6 aptalyq bitimge kelýdi talap etti.
Esterińizge salsaq, buǵan deıin HAMAS tobynyń basshylyǵy atysty 6 aptaǵa toqtatý týraly usynysty qabyldaǵan joq. Olar Izraıl áskeriniń Gazadan shyǵarylýyn talap etip otyr.
