HAMAS kepilge alynǵandardy bosatyp, bes jylǵa tatýlasýǵa daıyn

ASTANA. KAZINFORM – HAMAS Gazada soǵysty toqtatý týraly kelisimge kelýge daıyn. Atalǵan kelisim aıasynda kepilge alynǵan barlyq adamdar bosatylyp, bes jylǵa tatýlyq ornaýy tıis, dem málimdedi senbi kúni toptyń resmı ókili kelissóz júrgizýshilermen kezdesýdiń aldynda, dep jazady VVS.

Izraıl ázirge rıdıkaldyq toptyń sońǵy málimdemesine qatysty pikir bildirgen joq.

HAMAS delegatsııasy 18 aıǵa sozylǵan soǵysty toqtatý máselesin mysyrlyq kelissóz júrgizýshilermen talqylaý úshin Kaırge keldi.

HAMAS uıymynyń resmı ókili delegatsııalarynyń osy aptada Kaırge kelip, mundaı soǵysty toqtatýdyń jańa ıdeıalaryn talqylaıtynyn osyǵan deıin aıtqan bolatyn. Alaıda olar Izraıldiń basty talaby sanalatyn qarýdy ótkizý sharasy júzege aspaıdy.

AFP agenttigimen anonımdi jaǵdaıda tildesken HAMAS-tyń resmı ókili toptyń bir rettik kepilge alynǵandardy almastyrý men bes jyldyq tatýlasýǵa daıyn ekenin málim etken.

Sońǵy ret atysty toqtatý týraly kelisimdi Izraıl usyndy, oǵan sáıkes kepildegi tiri on adam qaıtarylyp, 45 kúnge atys toqtaýy qajet bolatyn.

HAMAS atysty belgili bir merzimge toqtatý talabynan bas tartyp, soǵysty tolyq toqtatýdy usyndy.