HAMAS kepilge alynǵan jeti ızraıldik azamatty Qyzyl Krest uıymyna tapsyrdy

ASTANA. KAZINFORM – Izraıldik kepilge alynǵandardyń birinshi toby Gazada Halyqaralyq Qyzyl Krest komıtetiniń (HQKK) qyzmetkerlerine tapsyryldy, dep habarlaıdy VVS. 

Izraıldiń Kan memlekettik teleradıokompanııasynyń habarlaýynsha, Gazada Qyzyl Krest uıymyna berilgen kepilge alynǵandardyń birinshi tobynda jeti adam bar. 

Málimetke sáıkes, olardyń arasynda Galı jáne Zıv Berman, Matan Angrest, Alon Ohel, Omrı Mıran, Eıtan Mor jáne Gaı Gılboa-Dallal bar. 

Tel-Avıvte Kepilge alynǵandar alańynda daýys zoraıtqysh arqyly jasalǵan habarlandyrýdan keıin jurt dý qol shapalaqtady.

Al Jazeera habarlaýynsha, ızraıldik kepilge alynǵandardy Qyzyl krest uıymyna tapsyrý jergilikti ýaqyt boıynsha saǵat 10:00-de (Astana ýaqytymen 12:00) aıaqtalady dep josparlanǵan. 

Eske sala ketsek, 10 qazan, juma kúni Gaza sektorynda Izraıl men HAMAS arasyndaǵy atysty toqtatý kelisimi kúshine endi. 20 tarmaqtan turatyn bitimgershilik josparyna sáıkes, uzaq ýaqytqa sozylǵan palestınalyq-ızraıldik qaqtyǵysty túpkilikti retteýge baǵyttalǵan kelissózderdiń jańa kezeńi kepilge alynǵandar men tutqyndar almasýynan keıin bastalýy kerek. 

Eske sala keteıik, budan buryn Mysyrda 13 qazan kúni Gaza boıynsha beıbit kelisimge HAMAS-syz qol qoıylatynyn habarlaǵan edik.