HAMAS kepilge alynǵan taǵy bir adamnyń denesin Izraılge tapsyrdy

ASTANA. KAZINFORM – Qyzyl Krest ókilderi ony Gaza sektorynan alyp shyqty, dep habarlady Izraıl qorǵanys kúshteri. Marqumnyń aty-jóni taný rásiminen keıin belgili bolady. Bul týraly VVS jazdy.

Bul 10 qazanda atysty toqtatý kelisimi kúshine engennen beri qaıtarylǵan 13-shi adamnyń denesi.

Demalys kúnderi Izraıl men HAMAS bir-birin kelisimdi buzdy dep aıyptady.

TsAHAL málimetinshe, Izraıl kúshteri sodyrlardyń shabýylynan eki sarbaz qaza tapqannan keıin Gaza sektoryna áýeden shabýyl jasady. HAMAS bul shabýylǵa qatysy baryn joqqa shyǵardy.

Buǵan deıin Gaza sektorynda qaza tapqan taǵy eki tutqynnyń máıiti Izraılge jetkizilgenin jazǵan bolatynbyz.

Izraıldiń Gaza sektoryna jasaǵan áýe soqqylarynan sońǵy táýlikte qaza tapqandar sany 44-ke jetti.