HAMAS kepilge alynǵan ızraıldik alty azamatty bosatý merzimin jarııalady

ASTANA. KAZINFORM – Palestınanyń HAMAS radıkaldyq qozǵalysy kepilge alynǵan Izraıl azamaty Arbel Iehýdty 30 qańtarda bosatady, dep habarlaıdy Izraıl premer-mınıstri Bınıamın Netanıahý keńsesi. Bul týraly reseılik TASS aqparat agenttigi jazdy.

- Premer-mınıstr Netanıahý basqarǵan nyq jáne sheshýshi kelissózderden keıin HAMAS keri shegindi jáne beısenbide (30 qańtar) kepilge alynǵandardy bosatýdyń taǵy bir raýndyn ótkizedi. Bul raýnd barysynda beıbit azamat Arbel Iehýd, áskerı qyzmetker Agam Berger jáne taǵy bir urlanǵan adam bosatylady, - delingen habarlamada.

Budan basqa, 1 aqpanda kepilge alynǵan taǵy úsh adam bosatylady.

Buǵan deıin Premer-mınıstrdiń keńesshisi jáne Katar Syrtqy ister mınıstrliginiń resmı ókili Madjıd ben Muhammed ál-Ansarı Arbel Iehýdtyń 31 qańtarǵa deıin bosatylatynyn habarlaǵan bolatyn. Izraıl bıligi buǵan deıin onyń ótken aptada bosatylýy kerek ekenin, biraq HAMAS ony Gaza sektorynda ustap, kelisimdi buzǵanyn málimdegen.

Buǵan deıin Izraıl 90 palestınalyq tutqyndy, al palestınalyq HAMAS uıymy ızraıldik tutqyndardyń ekinshi tobyn bosatty.