HAMAS kepilge alynǵan eki adamdy jiberip, taǵy tórteýin bosatýǵa ýáde berdi

ASTANA. KAZINFORM – Top ókilderi Izraılmen jasalǵan kelisim aıasynda kepilge alynǵandardy Qyzyl Krest ókilderine tapsyrdy. Adamdardy tapsyrý Gaza sektorynyń ońtústigindegi Rafah qalasynda ótti, dep habarlaıdy BBC.

HAMAS anklavtyń ortalyq bóligindegi Nýseıratta kepilge alynǵan qalǵan adamdardy bosatýy tıis.

Bostandyqqa birinshi shyqqandar – Tal Shoham men Avera Mengıstý. Burynǵy barlyq jaǵdaılardaǵydaı, kepilge alynǵandar bosatylǵanǵa deıin qarýly adamdar qorshalǵan aımaqqa shyǵýy tıis edi. Tal Shoham daıyndalǵan mátindi oqydy, sodan keıin ol Mengıstýmen birge Qyzyl Krest ókilderine tapsyryldy.

39 jastaǵy Tal Shoham áıeli jáne balalarymen birge Beerı kıbýtsıinde tutqynǵa alynǵan. Onyń týystary 2023 jyldyń 25 qarashasynda bosatyldy. Avera Mengıstý túrmede 10 jyldan astam ýaqyt otyrdy.

HAMAS senbi kúni bosatatyn kepilge alynǵan 6 adamnyń esimin atady.  Tal Shoham men Avera Mengıstýden basqa, olardyń arasynda Elııa Koen, Omer Shem-Tov, Omer Venkert jáne Hısham as-Saıd bar.

Onyń ornyna Izraıl 602 palestınalyq tutqyndy bosatýdy josparlap otyr.

Buǵan deıin HAMAS uzaq merzimdi bitimge kelý jáne qorshaýdaǵy anklavtan Izraıl áskerin tolyq shyǵarý úshin Gaza sektorynda qalǵan barlyq tutqyndy birden bosatýdy usyndy.