HAMAS Izraılge tórt tutqynnyń denesin tapsyrdy
ASTANA.KAZINFORM — Palestınalyq top Izraıl áýe kúshteriniń Gaza sektoryna jasaǵan soqqysynan olardyń tórteýi de, onyń ishinde eki bala da qaza tapqanyn aıtty, dep habarlaıdy Kazinform tilshisi.
HAMAS 2023 jyldyń 7 qazanyndaǵy shabýylda tutqynǵa alynǵan Shırı Bıbastyń, onyń eki balasy Arıel men Kfır Bıbastyń jáne 83 jastaǵy ızraıldik Oded Lıfshıtstiń máıitin tapsyrdy.
Ótken aıda AQSh-tyń qoldaýymen jáne Katar men Mysyrdyń aralasýymen Gazada jasalǵan atysty toqtatý kelisimi boıynsha máıitter beısenbi kúni Gazanyń ońtústigindegi Han ıÝnıs qalasyndaǵy Halyqaralyq Qyzyl Krest komıtetine tapsyryldy. Tabyttar tapsyrylǵan soń jarylǵysh zattardyń bar-joǵy tekserilgeni habarlandy.
Kepilge alynǵandardyń eń jasy Kfır Bıbas boldy. Búkil Bıbas otbasyn, onyń ishinde ákesi ıArdendi HAMAS basqarǵan sodyrlar basyp alǵan Gaza mańyndaǵy birqatar eldi mekenderdiń biri Nır Oz qalasynan urlap áketken kezde ol toǵyz aılyq edi.
Bir kún buryn Izraıl premer-mınıstri Bınıamın Netanıahý keńsesi Izraıldiń qaza tapqan tutqyndarynyń tizimin alǵanyn rastady.
HAMAS kepilge alynǵandardyń qazasyna Izraıldi aıyptaıdy.
— Sıonıstik basqynshylar ushaǵy olar ustalǵan jerlerdi ádeıi bombalaǵanǵa deıin tórteýi de tiri bolǵan, — dedi Palestına ókili.
Tutqyndar Izraıl armııasynyń bombasynan qaza tapqandary aıtyldy.
— Biz uldaryńyzdyń tirideı qaıtarylǵanyn qalaǵan edik, biraq sizdiń armııańyz ben úkimet basshylaryńyz olardy qaıtarýdyń ornyna óltirýdi jón kórdi, — dedi HAMAS ókili óltirilgen ızraıldik tutqyndardyń otbasylaryna sóılep.
2023 jyldyń qarashasynda HAMAS balalar men olardyń anasy Izraıldiń áýe shabýylynan qaza tapty dep málimdedi, biraq Izraıl bıligi olardyń ólimin birde-bir ret rastaǵan joq.
Izraılde qaraly kún
Máıitter Izraılge tapsyrylǵannann keıin Izraıl qorǵanys kúshteriniń bas ravvıni Gaza sektorynda qaza tapqan tórt ızraıldik tutqynnyń qurmetine áskerı rásim ótkizdi. Keıin kepilge alynǵandardyń máıitteri salynǵan kolonna Izraıl shekarasynan ótip ketti.
Eldiń ulttyq týyn kótergen ızraıldikter máıitter ótken jolmen júrip ótti.