HAMAS Izraılge buryn anyqtalǵan tutqyn máıitiniń bólshekterin ǵana qaıtardy
ASTANA.KAZINFORM - Máıit bólshekterin qaıtarýǵa qatysty oqıǵa Gaza sektoryndaǵy atysty toqtatý týraly kelisimniń oryndalýyna taǵy da kúmán keltirdi, dep habarlaıdy Kazinform agenttiginiń menshikti tilshisi.
Seısenbi kúni Izraıl premer-mınıstriniń keńsesi HAMAS Izraılge tapsyrǵan máıit bólshekteri 2023 jyldyń 7 qazanyndaǵy shabýyl kezinde sodyrlar urlap áketken ızraıldik kepilge alynǵan Ofır Tsarfatıge tıesili ekenin habarlady. Tsarfatıdiń denesin sol jyldyń jeltoqsan aıynda Izraıl qorǵanys kúshteri tapqan.
Izraıl premer-mınıstri Bınıamın Netanıahý HAMAS-tyń áreketin «AQSh-tyń deldaldyǵymen jasalǵan atysty toqtatý týraly kelisimdi aıqyn buzý» dep atady.
Following the completion of the identification process, it was found that last night, remains belonging to fallen hostage Ofir Tzarfati – of blessed memory, who was returned from the Gaza Strip in a military operation about 2 years ago – were returned. His family was notified.
— Prime Minister of Israel (@IsraeliPM) October 28, 2025
Onyń aıtýynsha, palestınalyq top tutqynda qaza tapqan 13 ızraıldiktiń denesin qaıtarýǵa ýáde bergen, biraq onyń ornyna kepilge alynǵan tutqyn máıitiniń bólikterin tapsyrǵan.
- Eki jyl buryn qaıtys bolǵan adamnyń dene múshelerin qaıtarýdy atysty toqtatýdy buzý áreketinen basqa eshteńe dep sanaýǵa bolmaıdy,- dep atap ótti premer-mınıstr.
Izraıldik BAQ-tyń habarlaýynsha, máıit Qyzyl Krest ókilderine tapsyrylyp, sodan keıin Tel-Avıvtegi «Ábý Kabır» sot medıtsınalyq ınstıtýtyna jeke basyn anyqtaý úshin aparylǵan. Birneshe saǵattyq synaqtan keıin sarapshylar onyń Ofır Tsarfatıge tıesili ekenin rastady.
The Times of Israel basylymy ızraıldik rezervshilerge silteme jasaı otyryp, palestınalyqtardyń shuńqyr qazyp, deneni jaqyn mańdaǵy ǵımarattan alyp kelip, Qyzyl Krest baqylaýshylarynyń kózinshe kameralar aldynda «tabylǵanyn» habarlady. Oqıǵa áskerı dronmen túsirilgen.
This constitutes a clear violation of the agreement by the Hamas terrorist organization.
— Prime Minister of Israel (@IsraeliPM) October 28, 2025
Prime Minister Netanyahu will hold a security discussion with the heads of the security establishment to discuss Israel's steps in response to the violations.
Bul Izraıldiń narazylyǵyn týdyrdy. Burynǵy premer-mınıstr Naftalı Bennett jáne ońshyl mınıstrler Netanıahýdy atysty toqtatýdy buzǵany úshin HAMAS-ty joıýǵa shara qoldanýǵa shaqyrdy.
Izraıl premer-mınıstriniń keńsesi Netanıahý seısenbi kúni keshke qaýipsizdik basshylarymen atysty toqtatýdy buzýǵa jaýap retinde odan ári sharalardy talqylaý úshin kezdesý ótkizetinin habarlady.
Izraıl bıliginiń málimetinshe, Gaza sektorynda 13 ızraıldik tutqynnyń denesi bar. Izraıl HAMAS-ty olardyń qaıtarylýyn ádeıi keshiktirdi dep aıyptaıdy. Al palestınalyq top anklavtaǵy keń kólemdi qıraýlarǵa baılanysty denelerdi taba almaıtynyn málimdedi.
Aıta keteıik, HAMAS Gazadaǵy ızraıldik kepilge alynǵandardyń máıitterin izdeý aıasyn keńeıtti.