HAMAS Izraılge 11 jyl buryn Gazada qaza tapqan áskerıdiń denesin qaıtardy

ASTANA. KAZINFORM — Izraıl bıligi jeksenbi kúni tapsyrylǵan máıittiń 2014 jyly Gaza sektorynda qaza tapqan leıtenant Hadar Goldınge tıesili ekenin rastady, dep habarlaıdy BBC.

— Sáıkestendirý úderisi aıaqtalǵannan keıin Izraıl Qorǵanys áskeriniń ókilderi tutqynǵa túsken leıtenant Hadar Goldınniń otbasyna olardyń jaqyny Izraılge qaıtarylǵanyn habarlady, — delingen premer-mınıstr keńsesiniń málimdemesinde.

Goldın — atyshýly bitim kelisimi aıasynda máıiti qaıtarylǵan 24-shi tutqyn. Jalpy, HAMAS barlyǵy 28 adamnyń denesin qaıtarýǵa mindettelgen.

— Uzaq ta azapqa toly 11 jyldan keıin Izraıl qaharmany leıtenant Hadar Goldın búgin týǵan eline oraldy, — dep jazdy prezıdent Itshak Gertsog X áleýmettik jelisinde.

Izraıl áskeri Goldın eki soldatpen birge atys barysynda qaza tapqanyn, keıin onyń denesin sodyrlar alyp ketkenin aıtady. HAMAS-tyń áskerı qanaty onyń máıiti Rafah aýdanyndaǵy týnnelden tabylǵanyn málimdedi. Buǵan deıin uıym Goldınniń qaza tapqanyn da, onyń denesi ózderinde ekenin de moıyndamaǵan edi.

Eske sala ketsek, Izraıl HAMAS jeksenbi kúni qaıtarǵan taǵy úsh tutqynnyń jeke basyn ractady. Al Netanıahý HAMAS qozǵalysyn qarýsyzdandyramyn dep ýáde berdi.