HAMAS ızraıldik kepilge alynǵandardy bosatýǵa jáne Tramptyń josparyn talqylaýǵa daıyn

ASTANA. KAZINFORM – Top «Donald Tramp josparynyń» bir tarmaǵyna sáıkes Izraılge barlyq tutqyndy – tiri de, óli de kúıinde berýge kelisti, dep habarlaıdy DW.

– Qozǵalys osy kelisimniń egjeı -tegjeıin talqylaý úshin deldaldar arqyly kelissózderdi dereý bastaýǵa daıyn ekendigin rastaıdy, - dep keltiredi Al Jazeera HAMAS málimdemesin. 

Sondaı-aq top Gaza sektoryn basqarýdy «Palestına ulttyq konsensýsyna jáne arabtar men ıslamdy qoldaýǵa negizdelgen» táýelsiz organǵa berýge kelisim berdi.

HAMAS AQSh prezıdenti Donald Tramptyń Gaza sektorynda atysty toqtatyp, tutqyn almasý jónindegi josparyna jaqyn arada jaýap beretinin jazǵan edik.