HAMAS Halıl ál-Haııany saıası bıýronyń jańa basshysy etip saılady
ASTANA. KAZINFORM — Qozǵalystyń jańa basshylyǵy Gaza sektoryna qatysty jalǵasyp jatqan kelissózder men HAMAS-tyń bolashaǵyna baılanysty pikirtalastar aıasynda qalyptasty, dep habarlaıdy Kazinform agenttiginiń menshikti tilshisi.
Palestınalyq HAMAS qozǵalysy dúısenbi kúni Halıl ál-Haııanyń saıası bıýronyń basshysy bolyp saılanǵanyn málimdedi. Bul týraly qozǵalystyń resmı málimdemesinde aıtylǵan.
Halıl ál-Haııa 2024 jylǵy qazanda Gaza sektoryndaǵy Izraıl áskerimen bolǵan qaqtyǵystar kezinde qaza tapqan ıAhıa Sınvardyń ornyna keldi.
Saılanǵanǵa deıin ál-Haııa HAMAS-tyń Gaza sektoryndaǵy basshylyǵyn basqardy jáne atysty toqtatý men ustalyp otyrǵan adamdardy almastyrý jónindegi janama kelissózderde qozǵalystyń bas kelissóz júrgizýshisi boldy.
Sınvar qaza tapqannan keıin uıymdy Haled Mashal, Muhammed Darýısh, Zaher Djabarın, Nızar Avadýlla jáne Halıl ál-Haııadan quralǵan bes adamdyq keńes basqarǵan.
Hamas Movement has published photographs from its internal leadership election.
— 𝑅𝑒𝑠𝑖𝑠𝑡𝑎𝑛𝑐𝑒 𝐹𝑖𝑙𝑒𝑠 (@ResistanceFiles) July 20, 2026
⭕️ Hamas: From one of the sessions of the movement’s internal electoral process.
Official Website – Hamas Movement https://t.co/jc8NWHtsDj pic.twitter.com/VQtntA46QK
Ál-Haııanyń saılanýy 2021 jyly bastalǵan HAMAS-tyń qazirgi ishki saılaý kezeńin aıaqtady. Qozǵalystyń tolyqqandy jańa ishki saılaýy keıinirek ótedi.
Halıl ál-Haııa 1960 jyly Gaza sektorynda dúnıege kelgen. Ol HAMAS qozǵalysy qurylǵan 1987 jyldan beri onyń qatarynda. 2006 jyly Palestına zań shyǵarý keńesiniń depýtaty bolyp saılanyp, keıin HAMAS saıası bıýrosynyń burynǵy basshysy Ismaıl Hanııanyń orynbasary qyzmetin atqardy.
Sońǵy jyldary Ismaıl Hanııa, ıAhıa Sınvar jáne qozǵalystyń áskerı qanatynyń jetekshisi Muhammed Deıf qaza tapqannan keıin ál-Haııa uıymdaǵy eń yqpaldy tulǵalardyń birine aınaldy. Qazirgi ýaqytta ol negizinen Qatarda turady.
BREAKING | Hamas announces the election of senior leader Khalil al-Hayya as the new head of the movement's political bureau, succeeding assassinated leader Yahya al-Sinwar. pic.twitter.com/h82nZfKzJV
— The Cradle (@TheCradleMedia) July 20, 2026
Reuters agenttigi palestınalyq saıasattanýshy Rıham Oýdanyń pikirine silteme jasap habarlaǵandaı, ál-Haııanyń saılanýy HAMAS-tyń qarýsyzdaný máselesinde qatań ustanymyn saqtaıtynyn jáne Iranmen ári oǵan odaqtas kúshtermen tyǵyz baılanysyn jalǵastyratynyn kórsetýi múmkin. Sarapshynyń pikirinshe, bul qozǵalysty qarýsyzdandyrý jáne Gaza sektoryn bolashaqta saıası basqarý jónindegi kelissózderdi kúrdelendirýi yqtımal.
AQSh usynǵan Gazadaǵy jaǵdaıdy retteý jospary HAMAS-ty qarýsyzdandyrýdy, Izraıl kúshterin shyǵarýdy jáne sektordy basqarýdy Beıbitshilik keńesiniń baqylaýymen palestınalyq tehnokratııalyq ákimshilikke berýdi kózdeıdi.
Mysyr, Qatar, Túrkııa jáne AQSh ókilderiniń qatysýymen ótip jatqan kelissózder ázirge jan-jaqty kelisimge qol jetkize alǵan joq.
Eske sala keteıik, buǵan deıin HAMAS Gaza sektoryndaǵy óz úkimetin taratqanyn jarııalaǵan bolatyn.
