HAMAS Gazadaǵy ızraıldik kepilge alynǵandardyń máıitterin izdeý aıasyn keńeıtti
ASTANA. KAZINFORM – Іzdestirý operatsııasynyń keńeıýi atysty toqtatý týraly kelisimdi júzege asyrýdyń jańa kezeńin kórsetedi, dep habarlaıdy Kazinform tilshisi.
Palestınalyq HAMAS uıymy Gaza sektorynda kepilge alynǵan ızraıldikterdiń máıitterin izdeý aıasyn keńeıtkenin habarlady.
HAMAS ókiliniń aıtýynsha, qazir operatsııa jańa aımaqtardy, sonyń ishinde Han ıÝnıs pen anklavtyń ortalyq bóligin qamtıdy. Jumys Qyzyl Krest mamandary men mysyrlyq ınjenerlik toptardyń qatysýymen júrgizilip jatyr.
Atalǵan málimdemede Mysyr ólilerdi izdeýge kómektesý úshin Gazaǵa 12 aýyr tehnıka men sarapshyny jibergennen bir kún ótken soń jasalǵany baıandaldy. Al Hadath telearnasynyń habarlaýynsha, qondyrǵy Izraıldiń ruqsatymen 26 qazan kúni tańerteń anklavqa kirgen.
12 heavy machine arrived in Gaza from Egypt yesterday to clear rubble and roads pic.twitter.com/mXPejJhowF
— Open Source Intel (@Osint613) October 27, 2025
Dúısenbi kúni HAMAS músheleri HQKK ókilderimen kezdesip, gýmanıtarlyq mıssııaǵa ızraıldik kepilge alynǵan Amıram Kýperdiń máıiti qaıda jatqanyn habarlady, sodan keıin Han ıÝnıste ony alý operatsııasy bastaldy.
AQSh, Qatar jáne Túrkııa aralyǵymen jasalǵan atysty toqtatý kelisimi boıynsha HAMAS barlyq ızraıldik kepilge alynǵan adamnyń súıegin qaıtarýǵa kelisti, Izraıl árbir ızraıldikke 15 palestınalyqtyń máıitin qaıtarady.
Agenttikterdiń habarlaýynsha, HAMAS ázirge 15 máıitti tapsyrǵan, biraq keıingi 5-6 kúnde aıyrbastaý úderisi ilgerilegen joq.
AQSh prezıdenti Donald Tramp senbi kúni kelisimniń oryndalýyn «jiti baqylap otyratynyn» eskertti.
– Keıbir máıitterdi tabý qıyn, biraq basqalaryn qazir qaıtarýǵa bolady, - dep jazdy Tramp áleýmettik jelidegi paraqshasynda.
Sarapshylar izdestirý sharalaryn keńeıtý jáne halyqaralyq qurylymdardy tartý atysty toqtatý rejımin saqtaýdyń jáne Palestına anklavyndaǵy retteý boıynsha odan ári kelissózderdiń kilti bolýy múmkin ekenin atap ótti.
Buǵan deıin habarlaǵanymyzdaı, Kaırde HAMAS pen FATH arasynda Gaza sektorynyń bolashaǵy týraly kelissóz júrip jatyr.