HAMAS Gaza sektorynda uzaqmerzimdi bitimgershilik týraly jańa kelisimge qol jetkizilgendigin jarııa etti
ASTANA. QazAqparat - Palestına bıligi men HAMAS qozǵalysynyń ókilderi Izraılmen Gaza sektorynda uzaqmerzimdi bitimgershilik týraly jańa kelisimge qol jetkizgendikterin jarııa etti, dep habarlady sheteldik BAQ.
«Eki tarap arasynda kelisimge qol jetkizildi jáne biz bitimgershiliktiń júzege asyryla bastaý merzimin anyqtaý úshin Kaırden habar kútip otyrmyz», - dep málimdedi HAMAS ókili Samı Abý Zýhrı.
Palestındik derekkózdiń aqparatyna qaraǵanda, kelisim eki taraptan da urys qımyldaryn toqtatýdy, sonymen birge Izraıl tarabynan Gaza sektoryndaǵy tosqaýyldyń jeńildetilýi qarastyrylady. Alaıda, bul aqparatty ızraıl taraby ázirshe qýattap otyrǵan joq.
Keıbir aqparattarǵa qaraǵanda, búgin keshqurym kelisimniń tolyq mán-jaıyn Palestına kóshbasshysy Mahmýd Abbas jarııa etetin bolady.
