HAMAS Gaza sektoryndaǵy qozǵalys basshysynyń qaza tapqanyn rastady
ASTANA. KAZINFORM — HAMAS uıymynyń ókilderi Gaza sektoryndaǵy basshysy Muhammed Sınvardyń jáne áskerı qanattyń baspasóz hatshysy Abý Ýbaıdanyń qaza tapqanyn rastady dep jazady DW.
HAMAS qozǵalysynyń ókilderi Gaza sektoryndaǵy uıym jetekshisi Muhammed Sınvardyń (bul qyzmetti ótken jyldyń qazan aıynan beri atqarǵan) jáne áskerı qanattyń baspasóz hatshysy Abý Ýbaıdanyń qaza bolǵanyn rastady. Bul týraly keshe Reuters agenttigi habarlady.
HAMAS málimetinshe, buǵan deıin de qaza tapqan qozǵalys basshysy ıAhıa Sınvardyń týǵan inisi Muhammed Sınvar men Abý Ýbaıda 2025 jyldyń basynda Gaza sektorynda kóz jumǵan. Izraıl tarapy Muhammed Sınvardyń óltirilgeni týraly mamyr aıynda, al Abý Ýbaıdanyń qaza tapqany jóninde tamyz aıynyń sońynda málimdegen edi.
Muhammed Sınvardyń denesi Gaza sektorynyń ońtústigindegi Han-ıÝnıs qalasynda ornalasqan týnnelderdiń birinen tabylǵan. Sol kezde onymen birge onyń on kómekshisiniń máıiti de anyqtalǵany aıtyldy. Sonymen qatar «Rafah» brıgadasynyń komandıri Mohammed Shabananyń da qaza tapqany habarlanǵan. Alaıda ol ýaqytta HAMAS bul aqparattarǵa túsinikteme bermegen edi.
Aıta keteıik, buǵan deıin Gazanyń ońtústiginde HAMAS-qa qarsy kúshterdiń kóshbasshysy ıAsır Abý Shabab qaza tapqan edi.
Al AQSh senatory HAMAS pen Hezbollanyń qaıta qarýlanyp jatqanyn málimdedi.
Sondaı-aq Izraıl Gaza sektoryndaǵy sý qudyqtarynyń 90%-in qıratqanyn jazdyq.