HAMAS Gaza sektory boıynsha kelisimge kelýge daıyn – top ókili
ASTANA. KAZINFORM – Katar Gaza sektorynda tutqyndar almasý jáne bitimge kelý týraly kelissózderdi qaıta bastaǵan kezde HAMAS-tyń Katardaǵy saıası bıýrosynyń joǵary laýazymdy múshesi Hýsam Badran dúısenbi kúni kelisimge kelý múmkin ekenin málimdedi. Onyń bul týraly aıtqany HAMAS-qa jaqyn Shehab aqparat agenttigi taratqan qysqasha habarlamasynda atap ótilgen, dep habarlaıdy Kazinform menshikti tilshisi.
HAMAS-tyń joǵary laýazymdy sheneýnigi Palestına tobynyń Izraılmen kelisimge kelýge daıyn ekenin bildirgen. Sebebi Dohada soǵysty toqtatý jáne kepilge alynǵandardy bosatý týraly kelissózder qaıta bastaldy, dep habarlaıdy The Times of Israel.
«Bizdiń talaptarymyz anyq ári belgili jáne kelisimge Netanıahý burynnan kelisilgen nársege adal bolǵan jaǵdaıda qol jetkizýge bolady», - dep málimdedi Badran.
Badrannyń bul sózderi Mysyrdyń tórt ızraıldik tutqyndy birneshe palestınalyq tutqynǵa aıyrbastaý úshin Gaza sektorynda atysty eki kúnge toqtatý, odan keıin 10 kúndik kelissózder júrgizýdi toqtatý týraly usynysyna reaktsııasy bolýy múmkin ekeni de boljanyp otyr.
Saýd Arabııasynyń Al Arabiya aqparat arnasy buǵan deıin HAMAS 2 shildedegi kepilge alý jónindegi talaptarmen kelisse, Mysyrdyń usynysyn qabyldaýǵa daıyn ekenin habarlady. Top sonymen birge Izraıldiń Mysyr usynysyn jan-jaqty kelisimniń bir bóligi retinde qarastyrýǵa mindetteletinine kepildik berýin qalaıdy.
HAMAS derekkózderi Saýd Arabııasynyń Asharq News arnasyna da toptyń jekelengen emes, jan-jaqty kelisimdi qalaıtynyn habarlady.
