HAMAS eki el arasyndaǵy beıbitshilikten qaýiptengendikten soǵys ashty – Baıden

AQSh prezıdenti Djo Baıden H áleýmettik jelisinde (burynǵy Twitter) Taıaý Shyǵystaǵy jaǵdaıǵa baılanysty pikir bildirdi, dep habarlaıdy Kazinform.

- HAMAS bárinen ızraıldikter men palestınalyqtar arasyndaǵy beıbitshilikten qaýiptenedi, sol sebepti soǵys ashty. Terror, zorlyq-zombylyq, kisi óltirý jáne soǵys jolyn jalǵastyrý degenimiz HAMAS-qa ne istegisi kelse, sony istesin dep erik berýmen birdeı. Biz olaı jasaı almaımyz, - dep jazdy Djo Baıden.

Buǵan deıin Baıden Izraıl men HAMAS-tyń soǵysty ýaqytsha toqtatý týraly sheshimin qoldaýǵa shaqyrǵan bolatyn. Ol aldaǵy ýaqytta AQSh «Taıaý Shyǵystaǵy zorlyq-zombylyq tsıklin» toqtatýy kerek ekenin atap ótti. AQSh basshysy soǵys qımyldaryn eki sebep boıynsha toqtatýdy alǵa tartqanyn aıtty: Gazaǵa gýmanıtarlyq kómek jetkizilimin keńeıtý jáne kepilge alynǵandardy bosatý. 

Katar Syrtqy ister mınıstrliginiń habarlaýynsha, Gazada soǵys qımyldaryn toqtatý rejımi 24 qarasha kúni tańerteń bastaldy.