HAMAS barlyq tutqyndy bosatýǵa daıyn ekenin málimdedi
ASTANA. KAZINFORM – HAMAS Izraıldiń Gaza sektoryna jasaǵan shabýyldaryn toqtatyp, áskerin Gazadan shyǵarý shartymen barlyq tutqyndy bosatýǵa daıyn ekenin málimdedi. Bul týraly Anadoly habarlady.
Gazadaǵy HAMAS jetekshisi Halıl ál-Haııa Izraıl usynǵan «ishinara» bitimge kelý usynystaryna jaýap berdi.
Ol qozǵalys mundaı ýaqytsha bitim usynystaryn qabyldamaıtynyn aıtty, óıtkeni olar Izraıl usynǵan bitim merzimi aıaqtalǵannan keıin Gazadaǵy shabýyldardyń qaıta jalǵasýyna alyp keledi dedi.
— Biz Izraıldiń shabýyldaryn tolyq toqtatyp, áskerin Gazadan shyǵarý, qaıta qalpyna keltirýdi bastaý jáne blokadany toqtatýdy kózdeıtin keshendi kelisim boıynsha kelissózderdi dereý bastaýǵa daıynbyz, — dedi ol.
Haııa AQSh-tyń tutqyndar isi jónindegi arnaıy ókili Adam Bolerdiń soǵysty toqtatý jáne barlyq tutqyndardy bosatý jónindegi ustanymyn quptaıtynyn aıtty. Onyń aıtýynsha, bul ustanym HAMAS-tyń pozıtsııasyna saı keledi.
Aıta ketelik HAMAS bitimgershilik kelissózin jalǵastyrý úshin Qatarǵa delegatsııa jibergen edi.