HAMAS araaǵaıyn elderdi bitim protsesiniń kelesi kezeńine kóshýdi surady
ASTANA. KAZINFORM — Palestına qozǵalysynyń málimdemesi kelisimderdiń bolashaǵyna qatysty taǵy da suraq týdyrdy, dep habarlaıdy Kazinform menshikti tilshisi.
HAMAS halyqaralyq deldaldarǵa AQSh-tyń qatysýymen ornatylǵan atysty toqtatý týraly kelisimniń qalǵan bólimderin oryndaýdy jalǵastyrý úndeýin jasady.
Telegram-da jarııalanǵan málimdemede top Gaza sektoryn basqarýdy óz moınyna alý úshin qoǵamdyq qoldaý komıtetin qurýdy aıaqtaý qajettigin málimdedi.
HAMAS Izraıldiń Gaza sektoryndaǵy soǵysyn toqtatý úshin Mysyr, Qatar jáne Túrkııanyń sońǵy eki jyl ishinde «shynaıy talpynystaryna úlken rızashylyǵyn» bildirdi.
— Bul kúsh-jigerge kezdesýler uıymdastyrý, kózqarastardy jaqyndatý, pozıtsııalar arasyndaǵy alshaqtyqtardy joıý jáne aqyry Gazadaǵy maǵynasyz soǵysty toqtatýǵa ákelgen kedergilerdi tabandy túrde eńserý kiredi, — delingen málimdemede.
Top sonymen qatar Gaza sektoryna tıisti gýmanıtarlyq kómektiń jetkizilýin qamtamasyz etýge, Rafah baqylaý-ótkizý ótkelin eki baǵytta ashýǵa jáne anklavty qalpyna keltirý jumystaryn bastaýǵa shaqyrdy.
Alaıda Izraıl kelisimniń birinshi kezeńi áli aıaqtalǵan joq dep sanaıdy, óıtkeni HAMAS qaza bolǵan kepilge alynǵan sońǵy 19 adamnyń denesin áli bergen joq.
Izraıl bul topty keıbir máıitterdi qasaqana jasyrdy dep aıyptady, al HAMAS Gaza sektoryndaǵy qıraýlar men belgili bir aımaqtarǵa qol jetkizý múmkin bolmaǵandyqtan olardy taba almaı otyrǵanyna sendirip otyr.
Buǵan deıin HAMAS qaza tapqan tutqyndardyń máıitin qaıtarmaıynsha, Izraıl Rafah ótkelin ashpaıtynyn jazǵan edik.