Halyqtyń úni qyzmetin atqaratyn Ombýdsmen ınstıtýty engizilmek

ASTANA. QazAqparat – Halyqtyń úni qyzmetin atqaratyn Ombýdsmen ınstıtýty engizilmek. Bul týraly Májilistiń taratylǵan 7-shaqyrylym depýtattarynyń saýalyna Premer-Mınıstrdiń orynbasary – Saýda jáne ıntegratsııa mınıstri Serik Jumanǵarınniń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta tutynýshylardyń quqyǵyn qorǵaý júıesiniń tutastyǵyn qalyptastyrýǵa jáne qazaqstandyqtardyń ómir súrý sapasyn arttyrýǵa baǵyttalǵan «Tutynýshylardyń quqyqtaryn qorǵaý týraly» Zańǵa zańnamalyq túzetýlerdiń ekinshi paketi ázirlendi», - dedi vıtse-premer jaýabynda.

Onyń atap ótýinshe, elimizde jyldan jylǵa aryz-shaǵymdardyń kóbeıip kele jatqanyn eskere otyryp, zań jobasynyń negizgi aspektileri kelesi jańashyldyqtarǵa shoǵyrlanǵan:

- Halyqtyń úni qyzmetin atqaratyn jáne tutynýshylardyń quqyqtary buzylǵan salalardyń júıeli problemalaryn tikeleı memlekettiń birinshi tulǵalaryna jetkizetin Ombýdsmen ınstıtýtyn engizý;

- Zańnyń negizgi qaǵıdalaryn, kásipkerlik sýbektileri kórsetetin qyzmetterdiń barlyq salalaryna taratý;

- Eger kásipkerlik sotqa deıingi tártippen buzýshylyqtardy joıýdan bas tartsa, tutynýshylardyń quqyqtaryn qorǵaý jónindegi qoǵamdyq mekemelerdiń paıdasyna azamattyq is boıynsha sot óndirip alǵan aıyppul túrindegi kásipkerliktiń azamattyq-quqyqtyq jaýapkershiligi;

- Tutynýshy daýlaryn sheshý algorıtmin kóp satylydan 2 satylyǵa deıin jetildirý.

«Bul is júzinde azamattyń sózsiz sot qorǵaýyna konstıtýttsııalyq quqyǵyn qalpyna keltiredi», - dedi Serik Jumanǵarın.