Halyqtyń turǵylyqty jerinen erkin shyǵýyna qandaı jaǵdaıda ruqsat beriledi
NUR-SULTAN. QazAqparat - 7 kún boıy koronavırýs juqtyrý ósimi 7 paıyzdan aspaǵanda halyqtyń turǵylyqty jerinen erkin shyǵýyna ruqsat beriledi. Bul jaıynda QR Bas sanıtarlyq dárigeri Aıjan Esmaǵambetova qol qoıǵan el halqyn koronavırýs ınfektsııasynan qorǵaý sharalaryn odan ary kúsheıtý týraly qaýlyda aıtylǵan, dep habarlaıdy QazAqparat tilshisi.
«Oblystardyń, Almaty, Nur-Sultan, Shymkent qalalarynyń ákimderi 7 kún boıy COVID-19-ǵa shaldyǵý ósiminiń deńgeıi 7 paıyzdan aspaǵan jaǵdaıda 2 jáne odan da kóp adamnyń áleýmettik araqashyqtyqty saqtaı otyryp, birge serýendeýi barysyna mindetti túrde maska taǵý arqyly turǵylyqty jerinen erkin shyǵýyna ruqsat berýdi; 3 adamnan aspaıtyn toppen nemese bir otbasynyń músheleri áleýmettik araqashyqtyqty saqtaı otyryp, saıabaqtarǵa, alańdar, gúlzarlarǵa jáne oıyn-saýyq nysandarsyz jaǵalaýlarǵa barýyn ruqsat etsin», - delingen qaýlyda.
Sonymen qatar áleýmettik araqashyqtyq (3 adamnan kóp top nemese bir otbasy músheleri) saqtaı otyryp aýlaǵa shyǵýǵa, Kóliktegi bas memlekettik sanıtarlyq dáriger bekitken qosymsha talaptardy jáne kúsheıtilgen sanıtarlyq-zalalsyzdandyrý rejımin mindetti túrde saqtaı otyryp, Qazaqstan Respýblıkasynyń óńirleri arasynda (áýe reısimen) barýǵa/kelýge ruqsat berilmek.
