Halyqtyń teńgege degen senimin arttyrý qajet - Qulybaev
«Halyq depozıtteri qalypty deńgeıde ósip keledi. Alaıda, ókinishke qaraı dollarlandyrý deńgeıi bar. ıAǵnı halyq depozıtterindegi jınaqtyń bir bóligi dollarmen saqtalýda. Bul turǵyda halyqtyń teńgege degen senimin arttyrý qajet», - dedi ol.
Budan bólek T. Qulybaev zańdy tulǵalar depozıtterine toqtaldy.
«Eń úlken depozıtter kvazımemlekettik sektorda. Shynyn aıtqanda, kvazımemlekettik sektordyń qarjylyq jaǵdaıyn qarastyrý kerek. Sebebi biz únemi qandaı da bir resýrstardy qoldaýǵa bólemiz. Qarjylyq júıede 6 trln teńgege tarta qarjy kvazımemlekettik sektor depozıtteri ekenin kórip otyrmyz. Bul memlekettik qarjy ǵoı. Sebebi osy somalar qysqa mermizdi depozıtterde jatyr jáne olar qorlandyrý negizi men ekonomıkany jańǵyrtýǵa tıisti deńgeıde yqpal ete almaıdy. Degenmen de olar ekonomıkany jańǵyrtýmen aınalysý úshin damý ınstıtýttary retinde qurylǵan edi», - dedi Tımýr Qulybaev.
Buǵan deıin habarlanǵandaı, UKP tóralqasynyń tóraǵasy nesıe alýshylardyń kóbeıýine alańdaýshylyq bildirgen bolatyn.