Halyqtyń tabysyn arttyrý baǵdarlamasy aıasynda 563 myń jumys orny quryldy
«Negizgi azyq-túlik taýarlarymen tolyqtaı ishki naryqty qamtamasyz etý úshin orta merzimdi Azyq-túlik qaýipsizdigin qamtamasyz etýdiń jospary iske asyrylýda. Bıyl birqatar azyq-túlik taýarlary boıynsha óndiristiń aıtarlyqtaı ósýine qol jetkizildi. Bul baǵytta maýsymaralyq kezeńde azyq-túlik taýarlarynyń ınflıatsııalyq protsesterin tejeý úshin forvardttyq qarjylandyrý keńinen paıdalanatyn bolady. Halyqtyń tabysyn arttyrýdyń 2025 jylǵa deıingi baǵdarlamasy iske asyrylýda. Tabysty qoldaý aıasynda 3 mln-nan astam adamnyń jalaqysy kóterildi», - dedi Álıhan Smaıylov.
Onyń atap ótýinshe, dárigerlerdiń jalaqysy – 30 paıyzǵa deıin, muǵalimderdiki – 25, bıýdjet sferasynyń basqa qyzmetkerleriniń jalaqysy – 20, óndiristik personaldyń jalaqysy 10-50 paıyz aralyǵynda ulǵaıtyldy. Baǵdarlamany iske asyrý sheńberinde bıyl 11 aıda 563 myń jańa jumys orny quryldy. Bul jospardan 27 paıyzǵa kóp.
«Respýblıkalyq bıýdjettiń kiristeri 11 aıda 101,9 paıyzǵa oryndalyp, 9,7 trln teńgeni qurady. Bul ótken jyldan 46 paıyzǵa kóp. Elimizdegi áleýmettik-ekonomıkalyq turaqtylyqty qamtamasyz etý jónindegi jumys halyqaralyq sarapshylardyń oń baǵasyn alýda. Standard and Poor’s jáne Fitch agenttikteri Qazaqstannyń egemendi kredıttik reıtıngisin ınvestıtsııalyq senimdilik deńgeıinde rastap otyr», - dedi Úkimet basshysy.
