Halyqtyń tabysy ósedi – Qarjy mınıstrligi

ASTANA. QazAqparat – Premer-Mınıstrdiń orynbasary – Qarjy mınıstri Erulan Jamaýbaev halyqtyń tabysyna qatysty túsinik berdi, dep habarlaıdy QazAqparat tilshisi.

«Másele tipti jalaqyda emes, ınflıatsııamen kúresý kerek. Osy jyly ınflıatsııa deńgeıin eki ese túsirsek, onyń ózi úlken jetistik bolady. Óıtkeni halyqtyń naqty mándegi tabysynyń ósýi jalǵasady», - dedi E. Jamaýbaev Úkimet otyrysynan keıin tilshiler suraǵyna jaýap bere otyryp.

Bıylǵy І toqsanda Qazaqstan halqynyń jan basyna shaqqandaǵy nomınaldy tabysy 10,7% ósken. Biraq, jyldyq mándegi ınflıatsııa men azyq-túlik baǵasynyń, qyzmetter aqysynyń artýyna baılanysty tabystyń ósimin qymbatshylyq eselep jutyp jatyr. Sonyń saldarynan, halyqtyń shynaıy tabysy byltyrǵy І toqsanmen salystyrǵanda 5,2% tómendep ketken.

Buǵan deıin habarlanǵandaı, 6 óńirde halyqtyń aqshalaı shyǵysy kirisinen asyp túsken.