Halyqtyń sotqa degen senimi bosaǵadan bastalady- Joǵarǵy sot tóraǵasy
ANA. 8 shilde. QazAqparat /Arman Asqarov/ - Eger bireýler, eń birinshi, ózine kabınetti jabdyqtaǵan artyq dep sanaıtyn bolsa, men sol kıbınetterdi bosatyp,
ol jerde halyqtyń ornalasýyn talap etetin bolamyn. Búgin 2011 jyldyń birinshi jartyjyldyǵyn qorytyndylaýǵa arnalǵan sýdıalardyń keńeıtilgen otyrysynda QR Joǵarǵy sot tóraǵasy Bektas Beknazarov osylaı aıtty.
«Halyqtyń bizge degen senimi bosaǵadan bastalady. Azamattar sotta olardy kútip otyrǵandyǵyn jáne bul jerde qajetti kómekti ala alatyndyqtaryn sezinýleri tıis. Ol úshin halyqqa tıisti jaǵdaıdy jasap, kútýshiler zalyn tolyqqandy jabdyqtaý qajet. Azamattar esiktiń aldynda nemese baspaldaqtyń astynda kútýge tıisti emes», - dedi otyrysqa qatysyp jatqan oblystyq sot tóraǵalaryna B.Beknazarov. «Bizge kelgen kisiler «men ádilet úıine keldim, ol jerde meni kútedi, túsinedi, qabyldaıdy, máselemdi sheshedi» degen senimmen sot bosaǵasyn attap, týra osyndaı senimmen ol bosaǵadan qaıta shyǵýy tıis. Bizdi, sýdıalardy tórge shyǵaryp otyrǵan halyq, sondyqtan biz osyndaı qurmet pen senimdi aqtap, óz qyzmetimizdi tıisti dárejede atqarýymyz shart. Aldaǵy ýaqytta men issaparmen oblystyq sottardy aralap, ol jerde halyq úshin jasalǵan jaǵdaılarmen tanysyp shyǵamyn. Eger bireýler, eń birinshi, ózine kabınetti jabdyqtaǵan artyq dep sanaıtyn bolsa, men sol kabınetterdi bosatyp, ol jerde halyqtyń ornalasýyn talap etetin bolamyn», - dep qadaı aıtty Joǵarǵy sot tóraǵasy.
