Halyqtyń senimin arttyrý úshin jemqorlyqtyń kez kelgen kórinisimen ymyrasyz kúres qajet

NUR-SULTAN. QazAqparat – Halyqtyń senimin arttyrý úshin jemqorlyqtyń kez kelgen kórinisimen ymyrasyz kúres qajet. Bul týraly QR Prezıdenti Ákimshiligi basshysynyń orynbasary Erjan Jıenbaev aıtty, dep habarlaıdy QazAqparat tilshisi.

«Sybaılas jemqorlyqqa qarsy kúres elimizdiń strategııalyq damýyndaǵy negizgi basymdyqtardyń biri. Bul Prezıdentimizdiń berik ustanymy jáne saılaýaldy baǵdarlamasynda halyqqa bergen ýádesi. Sońǵy jyly bul baǵytta jasalǵan jumys az emes, júıeli sıpatqa ıe bolýda. Birqatar mańyzdy mindet júzege asyryldy. Memleket basshysynyń Qazaqstan halqyna Joldaýda jarııa etken tapsyrmalaryn oryndaý úshin qazirdiń ózinde quqyq qoorǵaý organdary qyzmetkerleriniń, sýdıalardyń, para berýshiler men deldaldardyń jemqorlyǵy úshin jaýapkershilik qatańdatyldy. Asa aýyr jemqorlyq qylmys úshin shartty túrde merziminen buryn bosatý alynyp tastaldy», - dedi ol QR Sybaılas jemqorlyqqa qarsy is-qımyl agentiginiń alqa otyrysynda.

Onyń aıtynsha, kvazımemlekettik sektordaǵy jemqorlyq úshin jaýapkershilik kúsheıtilip, ulttyq kompanııalarda jemqorlyqqa qarsy komplaensterdiń negizgi bekitildi.

«Halyqaralyq yntymaqtastyq nyǵaıa túsýde. Qazaqstan GREKO halyqaralyq uıymyna qosyldy. Myqty quqyqtyq irgetas qalandy jáne reformalardy tabysty júzege asyrý úshin jemqorlyqqa qarasy sharalar men bastamalardyń barlyq toptamalarynyń múltiksiz ári shynaıy oryndalýyna qol jetkizý óte mańyzdy. Adam men bıznes quqyǵyn qorǵaý basty nazarda qala beredi. Halyqtyń senimin arttyrý úshin jemqorlyqtyń kez kelgen kórinisimen ymyrasyz kúres qajet. Qoǵamda quqyqtyq nıgılızmniń taralýyna jol bermeý mańyzdy», - dedi Erjan Jıenbaev.