Halyqtyń para berýge qatysty pikiri ártúrli - Olga Shııan

NUR-SULTAN. QazAqparat – Qazaqstannyń keıbir óńirindegi respondentterdiń pikirinshe jemqorlyqsyz másele sheshile bermeıdi. Bul týraly «Transparency Kazakhstan» QQ atqarýshy dırektory Olga Shııan Ortalyq kommýnıkatsııalar qyzmetinde ótken brıfıngte aıtyp berdi, dep habarlaıdy QazAqparat tilshisi.

«Biz respondentterdi saýalnamaǵa qatystyra otyryp, olardyń óz óńirindegi sybaılas jemqorlyq jaǵdaıyn qalaı qabyldaıtynyn da surap kórdik. Olar óziniń turǵylyqty jerinde jemqorlyqtyń azaıǵanyn nemese artqanyn qalaı baǵalaıtynyn suradyq. Halyq ishinde jemqorlyqtyń aýqymy artyp bara jatyr deıtinder kóp. Tek bes oblystyń respondentteri jemqorlyq deńgeıi men ol týraly áńgime shetten tys kóp aıtylyp ketkenin jetkizdi», - dep atap ótti Olga Shııan.

Zertteý jumystary kórsetkendeı, qalǵan oblystardaǵy respondentter jemqorlyqtyń baryn aıtyp, biraq oǵan ıek artsa óz máselesin sheshýge bolatynyn bildirgen.

«ıAǵnı, jemqorlyqsyz birde-bir másele sheshilmeıdi degen paıym-pikirdegi óńirler de bar», - deıdi sarapshy.

Sarapshy ortasha kórsetkish shyǵarylǵan kezde búkil elde sondaı túsinik qalyptasqandaı tendentsııa baıqalatynyn aıtady. Alaıda aımaqtardy bólip qaraǵanda halyqtyń paıym-pikiri ártúrli.