Halyqtyń ózekti máselelerin sheshý úshin ÚEU áleýetin paıdalaný mańyzdy - Aıda Balaeva
Otyrystyń kún tártibi Halyqty áleýmettik qorǵaýdyń, ekologııalyq problemalardyń ózekti máselelerin sheshýdegi ózara is-qımyldy arttyrýǵa arnalǵan.
Otyrys barysynda Úılestirý keńesine qatysýshylar halyqtyń ózekti máselelerin sheshýdiń tıimdi tásilderin ázirleý, memlekettik organdardyń basym mindetterdi iske asyrýda ÚEU áleýetin tıisti túrde tartý, áleýmettik bastamalardy júzege asyrýda azamattyq qoǵam uıymdarynyń rólin kúsheıtý jáne basqa da máselelerdi qozǵady.
Otyrys formaty «Memlekettik organ – ÚEU» qaǵıdaty boıynsha, ıaǵnı, memlekettik organdardyń baıandamasy da, ÚEU ókilderiniń baıandamalary da tyńdaldy.
Mınıstr óz sózinde halyqqa mańyzdy máselelerdi sheshý boıynsha keshendi jumysty uıymdastyrý úshin óńirlerdegi ÚEU áleýetin paıdalanýdyń ózektiligin atap ótti. A.Balaeva ÚEU tıimdiligin arttyrý úshin aqparattyq jumystyń mańyzdylyǵyna erekshe nazar aýdardy.
Jıynda Qazaqstan Azamattyq alıansynyń prezıdenti Baný Nurǵazıeva baıandama jasady.
«Biz osy jyldyń mamyr aıynda ótken Úılestirý keńesi otyrysynyń usynymdary Aqparat jáne qoǵamdyq damý mınıstrligi tarapynan, basqa da memlekettik organdar, sonyń ishinde birqatar óńirler tarapynan da nazardan tys qalmaǵanyn kórip otyrmyz. Olar belsendi túrde qoldanylady. Alaıda, sheshilmegen máseleler de bar. Osy oraıda ózekti problemalardy aıtý jáne olardy sheshý joldaryn izdestirý úshin dál osy Úılestirý keńesi tıimdi alań bolyp qala berýi tıis. Osy máselelerdiń barlyǵyn aldaǵy H Azamattyq forýmda kóterý mańyzdy, oǵan kóptegen memlekettik organdardyń birinshi basshylary men ÚEU kóshbasshylary qatysatyn bolady»,- dedi ol.
Sondaı-aq, negizgi spıkerler retinde «Shyraq» múgedektigi bar áıelder qaýymdastyǵynyń basshysy L.Qaltaeva, Pavlodar oblysy Azamattyq Alıansynyń tóraǵasy S. Mogılıýk, sondaı-aq memlekettik organdardyń ókilderi sóz sóıledi.
Qoǵam qaıratkeri Aıgúl Soloveva atqarylyp jatqan jumys týraly óz pikirin bildirdi:
«Meniń baıqaǵanym, buryn halyqaralyq uıymdar qazaqstandyq ÚEU-men tikeleı jumys isteýdi jón kóretin. Qazir Aqparat jáne qoǵamdyq damý mınıstrliginiń ózi olarmen mańyzdy qoǵamdyq máseleler boıynsha yntymaqtastyqqa ashyq ekenin atap ótý qajet. Bul úkimettik emes uıymdarmen ózara is-qımyl salasynda júrgizilip jatqan jumysqa degen senimdi arttyra túsedi».
Kezdesý qorytyndysy boıynsha keńes qatysýshylary oblystardyń, Nur-Sultan, Almaty jáne Shymkent qalalary ákimderiniń orynbasarlaryna óńirlik máselelerdi sheshýde ÚEU ókildigin keńeıtý jóninde tıisti usynymdar berdi.
Óz kezeginde, memlekettik organdar úkimettik emes sektor tarapynan eskertýler men problemalyq máselelerdi nazarǵa aldy.
Aıta keteıik, s ońǵy 4 jylda Úılestirý keńesi 136 usynym ázirlep, onyń 102-si oryndaldy, al 34 usynym - uzaqmerzimdi.
Úılestirý keńesiniń usynymdary memleket pen úshinshi sektordyń áriptestigin damytýǵa jáne onyń jańa formatqa kóshýine aıtarlyqtaı serpin berdi.
