Halyqtyń osal toptaryna jatatyn 26 myń azamat ózderiniń birinshi jumys oryndaryna ornalasty

ASTANA. QazAqparat – Halyqtyń osal toptaryna jatatyn 26 myń azamat ózderiniń birinshi jumys oryndaryna ornalasty. Bul týraly Úkimet otyrysynda Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Memleket tarapynan sýbsıdııalanatyn jumys oryndaryn qurý arqyly azamattardy jumyspen qamtýǵa járdemdesý de belsendi júrgizilýde. 1 shildege halyqtyń osal toptaryna jatatyn 26 myń azamat ózderiniń birinshi jumys oryndaryn tapty. Sýbsıdııalanatyn jumys oryndarymen qamtylǵan azamattardyń 36 paıyzyn jastar qurap otyr. Bul baǵytta Mańǵystaý oblysy men Almaty qalasy ákimderiniń kóńilin elektrondy eńbek sharttary úlesiniń tómendigine taǵy da bir ret nazar aýdartqym keledi», - dedi Tamara Dúısenova.

Onyń atap ótýinshe, bıyl jumyspen qamtý úrdisiniń monıtorıngi zeınetaqy jarnalarynyń, elektrondyq eńbek kitapshalarynyń bar-joǵyn tekserý jáne Otbasynyń tsıfrlyq kartasy boıynsha nysanaly topty aıqyndaý jolymen júrgiziledi.

«Atqarylǵan jumys nátjesinde 297 myńnan astam otbasynyń quramynda keminde 1 adam jumys isteı bastady. Al 137 myń otbasynyń quramynda 2 jáne odan da kóp adam jumys istep jatyr. Olardyń bári jumyspen qamtý aıasynda eńbekke jumyldyryldy. Jalpy jumyspen qamtylǵan azamattardyń 52 paıyzy - aýyl turǵyndary» – dep atap ótti mınıstr.

Osyǵan deıin elektr, sý, jylý tarıfteri 3-4 myń teńgege ulǵaıatynyn jazdyq.