Halyqtyń ortasha jan basyna shaqqandaǵy aqshalaı tabysy 60 178 teńgeni qurady
ASTANA. QazAqparat - 2014 jylǵy naýryzda halyqtyń ortasha jan basyna shaqqandaǵy aqshalaı tabysy, aldyn ala berilgen derekter boıynsha, 60 178 teńgeni qurap, 2013 jylǵy tıisti kezeńmen salystyrǵanda 9,4%-ǵa artty. Naqty aqshalaı tabys 3 %-ǵa ósti. Bul týraly QR Statıstıka agenttiginen habarlady.
2014 jylǵy naýryzda ortasha jan basyna shaqqandaǵy aqshalaı tabys kólemi boıynsha Atyraý oblysy, Almaty, Astana qalalary jáne Mańǵystaý oblysy aldyńǵy qatarda. Munda osy kórsetkish ortasha respýblıkalyq deńgeıden 2,2 - 1,7 esege artyq.
Bıylǵy naýryzda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi. Osy óńirlerde halyqtyń tabys mólsheri respýblıkalyq deńgeıdiń 60,8-den 79 paıyzǵa deıingi mólsherin qurady. Sonymen birge, halyqtyń naqty aqshalaı tabysynyń eń kóp ósý qarqyny Atyraý jáne Almaty oblystarynda belgilendi.
2014 jylǵy naýryzda óńirler boıynsha aqshalaı tabystyń eń joǵary jáne eń tómen mólsherleri arasyndaǵy araqatynas 3,6 eseni qurady (2013 jylǵy naýryzda - 3,3 ese).
