Halyqtyń naqty aqshalaı tabysy qańtar-tamyzda 1,1 paıyzǵa artty
ASTANA. 12 qazan. QazAqparat - Halyqtyń naqty aqshalaı tabysy qańtar-tamyzda 1,1 paıyzǵa artty. Bul týraly búgin brıfıng barysynda QR Statıstka agenttiginiń tóraǵasy Álıhan Smaıylov málim etti.
Onyń aıtýynsha, 2013 jylǵy tamyzda halyqtyń ortasha jan basyna shaqqandaǵy ataýly aqshalaı tabystary baǵalaý boıynsha 56 399 teńgeni qurady, bul 2012 jylǵy tamyzǵa qaraǵanda 7% joǵary, al naqty aqshalaı tabys kórsetilgen kezeńde 1,1 paıyzǵa joǵarylady.
2013 jylǵy qyrkúıekte qyzmetkerlerge eseptelgen ortasha aılyq ataýly jalaqy (aldyn ala derekter) 105 905 teńgeni qurady, 2012 jylǵy qyrkúıekke qaraǵanda 6,1 paıyzǵa ósti. Naqty jalaqy ındeksi (aldyn ala derekter) 2012 jylǵy qyrkúıekke 100,7 paıyzdy qurady.
