Halyqtyń naqty aqshalaı tabystarynyń eń kóp ósý qarqyny Astana, Almaty qalalarynda jáne ShQO-da belgilendi
ASTANA. 13 qarasha. QazAqparat - 2013 jylǵy qyrkúıekte halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 55292 teńgeni qurap, 2012 jylǵy tıisti kezeńmen salystyrǵanda 7,7%-ǵa artty. Naqty aqshalaı tabystar 2,2%-ǵa ósti. Bul týraly búgin QR Statıstıka agenttiginiń málimetterinde habarlandy.
2013 jylǵy qyrkúıekte ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty jáne Astana qalalary aldyńǵy qatarda, munda osy kórsetkish ortasha respýblıkalyq deńgeıden 2,1 - 1,7 esege artyq. 2013 jylǵy qyrkúıekte tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 63,3%-dan 79,9%-ǵa deıin qurady. Sonymen birge, halyqtyń naqty aqshalaı tabystarynyń eń kóp ósý qarqyny Astana, Almaty qalalarynda jáne Shyǵys Qazaqstan oblysynda belgilendi. 2013 jylǵy qyrkúıekte óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,3 eseni qurady (2012 jylǵy qyrkúıekte - 3,3 ese).
