Halyqtyń medıtsınalyq kómek sapasyna qanaǵattanýy týraly ındıkator usynyldy
Búgin Densaýlyq saqtaýdy damytý ortalyǵynda «QR halqyna medıtsınalyq kómektiń sapasyn arttyrý» taqyrybynda onlaın pikirtalas ótti. Oǵan QR DSM qurylymdyq bólimsheleriniń, medıtsınalyq jáne farmatsevtıkalyq baqylaý komıtetiniń, óńirlik densaýlyq saqtaý basqarmalarynyń jáne ózge de uıym, mekemelerdiń júzden astam ókilderi qatysty.
«Medıtsınalyq kómektiń sapasyn arttyrý jónindegi Jol kartasy úsh bólimnen turady: adamı resýrstardyń sapasyn arttyrý; patsıentke baǵdarlanǵan medıtsınalyq kómektiń sapasy men qaýipsizdiginiń joǵary deńgeıin qamtamasyz etý; barlyq deńgeıde densaýlyq saqtaý júıesiniń qarjylyq turaqtylyǵyn qamtamasyz etý.
Medıtsınalyq kómektiń sapasyn baqylaý úshin «Halyqtyń medıtsınalyq kómektiń sapasyna qanaǵattanýy» nysanaly ındıkatory usynylady, ol 2025 jylǵa qaraı medıtsınalyq kómektiń barlyq deńgeılerinde (statsıonarlyq, ambýlatorııalyq jáne ońaltý deńgeıinde) 75%-ǵa jetýi múmkin», - dep habarlady Densaýlyq saqtaýdy damytý respýblıkalyq ortalyǵynyń baspasóz qyzmeti.
Sonymen birge, pikirtalasta otandyq ınnovatsııalyq tehnologııalar men olardy engizý tetikterin ázirleý talaptaryna qatysty máseleler kóterildi. Qatysýshylar ındıkatorlardy jaqsartý nemese shekti deńgeıdi ózgertý jáne oqys oqıǵalardyń aldyn alý men oǵan jol bermeý boıynsha ýaqytyly sharalar qabyldaý qajettigin aıtty. Halyqtyń medıtsınalyq kómek sapasyna qanaǵattaný ındıkatorymen qatar «Medıtsına qyzmetkeriniń (dárigerdiń, medbıkeniń) qanaǵattanýy» nysanaly ındıkatoryn da engizý usynyldy.
Usynystardy qaraý jáne engizý úshin Jol kartasy jobasy Densaýlyq saqtaýdy damytý ortalyǵynyń saıtyna salynady. Barlyq turǵyndar jol kartasyn talqylaı alady.