Halyqtyń kúsh-jigerine, daryny men eńbekqorlyǵyna arqa súıeımiz – Toqaev

NUR-SULTAN. QazAqparat – Qazaqstanda ár azamattyń óz qabiletin iske asyrýyna barynsha qolaıly jaǵdaı jasalady. Bul týraly Memleket basshysy Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat.

«Dıalog pen mámileniń joǵary mádenıeti elimizdegi azamattyq yntymaqty arttyratyn basty faktordyń birine aınalady. Biz nadandyq pen eskilikke, radıkalızm men masyldyqqa, toǵysharlyqqa jáne sybaılas jemqorlyqqa tabandy túrde qarsy turamyz. Bir-birimizdi jat kórmeı, jaqyn tartyp, qoǵamda naqty ózgeristerge degen senimdi ornyqtyramyz», - dedi Qasym-Jomart Toqaev.

Óz sózinde Prezıdent halyqtyń kúsh-jigerine, daryny men eńbekqorlyǵyna arqa súıeıtinin aıtty.

«Ár azamattyń óz qabiletin iske asyrýyna barynsha qolaıly jaǵdaı jasaımyz. Biz osylaısha ǵana halqymyzdyń jasampazdyq áleýetin arttyra alamyz. Osylaısha ǵana ómirdiń barlyq salasyn ózgertip, reformalar dáýirin óz qolymyzben jasaımyz. Kez kelgen syn-qaterdi birge eńserip, Qazaqstanymyzdyń qýatyn birge arttyramyz dep senemin», - dedi Memleket basshysy.