Halyqtyń kredıti jyldyń basynan beri 6,9 trln teńgege deıin 3,7 paıyzǵa ulǵaıdy - UB
NUR-SULTAN. QazAqparat - Halyqtyń kredıtteri jyldyń basynan beri 6,9 trln teńgege deıin 3,7 paıyzǵa ulǵaıdy. Bul týraly búgin Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.
«Jyl basynan beri ekonomıkaǵa beriletin kredıtter tamyzdyń sońynda 14,2 trln teńgege deıin 2,4 paıyzǵa ulǵaıdy. Uzaq merzimdi kredıtter 3,1 paıyzǵa nemese 12,2 trln teńgege deıin ósti. Qysqa merzimdi kredıtter 2,2 paıyzǵa nemese 2,0 trln teńgege deıin 44,2 mlrd teńgege azaıdy. Bıznestiń kredıttik portfeli jyl basynan beri 7,3 trln teńgege deıin 1,2 paıyzǵa ulǵaıdy. Bızneske beriletin teńgedegi kredıtter boıynsha stavka osy jylǵy tamyzda 11,9 paıyz, onyń ishinde qysqa merzimdi kredıtter boıynsha – 11,6, uzaq merzimdi kredıtter boıynsha osy jylǵy tamyzdaǵy 13,4-ten 12,8 paıyzǵa deıin tómendedi», - dedi UB tóraǵasy.
Onyń dereginshe, halyqtyń kredıtteri osy jyldyń basynan beri 6,9 trln teńgege deıin 3,7 paıyzǵa ulǵaıdy.
«Olardyń qurylymynda tutynýshylyq qaryzdar 4,2 trln teńgege deıin 0,6 paıyzǵa tómendedi. Memlekettik baǵdarlamalardy iske asyrý esebinen ıpotekalyq qaryzdar 2 trln teńgege deıin 14,6 paıyzǵa ulǵaıdy», - dedi Erbolat Dosaev.
