Halyqtyń kóńilinen shyqqan joba
ASTANA. QazAqparat - «Halyqtyń qaýipsizdigin qamtamasyz etý» jobasyn júzege asyrý maqsatynda quramynda 12 adam bar taǵy bir top aýdanymyzǵa at basyn tirep, saparlaryn aýdandyq mádenıet úıinde halyqpen kezdesýmen bastady, dep jazady «Aqtobe» gazeti.
Jıyndy ashqan vedomstvoaralyq toptyń basshysy, eńbek, áleýmettik qorǵaý jáne kóshi-qon komıtetiniń Aqtóbe oblysy boıynsha departamentiniń basshysy S.Amanbaev top quramymen, maqsat-mindetterimen tanystyryp ótti. Minberge shyqqan eńbek, áleýmettik qorǵaý jáne kóshi-qon departamentiniń Aqtóbe oblysy boıynsha basshysynyń mindetin atqarýshy J.Aımuhambetova áleýmettik qorǵaý salasynda baıandap ótse, oblystyq jumyspen qamtýdy úılestirý jáne áleýmettik baǵdarlamalar basqarmasynyń bas mamany Sh.Jumaǵalıeva, Aqtóbe oblysynyń eńbek ınspektsııasy jónindegi basqarma basshysynyń orynbasary - memlekettik eńbek ınspektory B.Orazaev, oblystyq jumyspen qamtýdy úılestirý jáne áleýmettik baǵdarlamalar basqarmasynyń bas mamany A.Táńirbergenova, múgedektermen, ardagerlermen jumys, arnaýly áleýmettik qyzmetter jáne medıtsınalyq-áleýmettik mekemeler qyzmetin úılestirý bóliminiń basshysy R.Sırajetdınova óz salalary boıynsha halyqqa aqparat berdi. Turǵyndar tarapynan túsken suraqtarǵa naqty jaýaptar berildi.
Jıyn aıaqtalǵan soń oblystan kelgen mamandar birden iske kirisip ketti. Mádenıet úıiniń keń bólmesinde turǵyndardy qabyldady. Alǵashqy jumys kúninde top músheleri 18 adamǵa eńbekke ornalasý týraly keńes berse, eki adamdy jumysqa ornalastyrdy. 3 adam jastar praktıkasyna, 4 adam qaıta daıarlaý oqýyna jazyldy. Az qamtylǵan otbasylaryna «Órleý» baǵdarlamasyna qatysý jaıy, 2018 jyldan bastap engiziletin áleýmettik kómekter týraly túsindirildi.
Top músheleri úı aralaý barysynda az qamtylǵan 21 otbasynyń jaǵdaıymen tanysty. Múmkindigi shekteýli 15 múgedektiń muń-muqtajy tyńdalyp, kómekter berildi. Top músheleriniń nazarynan oralmandar da tys qalǵan joq. 3 eńbek ujymymen kezdesý ótkizilip, eńbek sharttary týraly túsinik jumystary júrgizildi. «Jaqynyńa kómektes» qaıyrymdylyq aktsııasy aıasynda aýyldyq okrýg ákimshiligimen birlese otyryp 5 otbasyǵa kómek berildi.
Jumys saparynyń ekinshi kúninde de orasan zor kólemde jumys jasaldy. Komsomol selosynda 11 shara ótkizilip, 858 adam qamtylsa, Taldysaı aýylyndaǵy kezdesýde 100 adamǵa keńes berildi. Dárigerler 273 adamdy qarap, 5 adamǵa oblys klınıkalaryna joldama berse, 9 adamǵa jergilikti jerde emdelýge keńes berdi. Batys Qazaqstan medıtsınalyq ýnıversıtetiniń dárigerleri 2 laporaskopııalyq ota jasady. 20 áıel skrınıngten ótti. 333 oqýshy tekserilip, 11 bala qaıta tekserilýge jiberildi. 8 adam eńbekke ornalasý jaıynda keńes alsa, 3 adam qaıta daıarlaý kýrstaryna jazyldy. 5 múmkindigi shekteýli jannyń shaǵymdary qaralyp, kómek berli. 3 eńbek ujymymen kezdesý ótkizilip, 60 eńbek sharty jasaldy.
Úshinshi kúngi jumys sapary aýdan kólemindegi iri selolyq okrýg Qarabutaq aýylynda jalǵasty. Okrýgte ótkizilgen 10 shara barysynda 979 adam qamtyldy. Dárigerler 422 adamdy tekserse, onyń 86-sy bala boldy.2 adamǵa oblysqa keńeske, 13 adam turǵylyqty mekeninde emdelýge joldama aldy. Áıteke bı aýdandyq ortalyq aýrýhanasynda Batys Qazaqstan medıtsınalyq akademııasynyń dárigerleri 3 laporaskopııalyq ota jasady. Okrýg boıynsha 314 oqýshy tekserilip, 21 balaǵa joldama berildi. Jumysqa ornalasý boıynsha 13 adam keńes alsa, 2 eńbek ujymymen kezdesý ótkizilip, elimizdiń eńbek zańyndaǵy jańalyqtar týraly túsindirildi. Vedomstvoaralyq toptyń sapary barysynda az qamtylǵan otbasy múmkindigin arttyrý maqsatyndaǵy «Órleý» baǵdarlamasyna 21 otbasy qatysýǵa nıet bildirdi. Osylaısha oblystan kelgen vedomstvoaralyq toptyń jumysy óte jaqsy nátıje berip, jemisi álden kórine bastady. Aldaǵy ýaqytta da osy baǵyttaǵy jumystar jalǵasyn taýyp, ondaǵan otbasy men júzdegen adam kómekke ıe bolady dep senemiz.
